Erdogan: Vazhdojmë luftën ndaj terrorizmit, Afrini nën kontrollin turk

Erdogan: Vazhdojmë luftën ndaj terrorizmit, Afrini nën kontrollin turk

Presidenti i Turqisë, Recep Tayyip Erdogan, deklaroi sot se që nga fillimi i operacionit "Dega e Ullirit" në rajonin veriperëndimor sirian të Afrinit në total janë neutralizuar 3.747 terroristë, raporton Anadolu Agency (AA).

Erdogan iu drejtua të pranishmëve në kongresin e rregullt të partisë turke në pushtet për Zhvillim dhe Drejtësi (Partia AK) në Giresun duke njoftuar se forcat e armatosura turke kanë vendosur kontroll në të gjithë rajonin e Afrinit. 

Operacioni në Afrin nisi më 20 janar në përputhje me të drejtat turke të bazuara në të drejtën ndërkombëtare dhe rezolutat e Kombeve të Bashkuara. Turqia gjithashtu i referohet nenit 51 të marrëveshjes së OKB-së, përkatësisht "të drejtës për vetëmbrojtje". Operacioni zhvillohet duke respektuar integritetin territorial të Sirisë.

Erdogan njoftoi vazhdimin e luftës vendimtare kundër terrorizmit. Ai theksoi se forcat turke kanë mbështetje të madhe në operacione nga Ushtria e Lirë Siriane, ku 614 luftëtarë të së cilës u vranë në operacionin e vitit të kaluar "Mburoja e Eufratit" dhe të paktën 302 luftëtarë u vranë në operacionin "Dega e Ullirit" në Afrin.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Skandali tek Onkologjiku, e kujt është përgjegjesia?



×

Lajmi i fundit

E ardhmja e PD-së/ Nesturi: A do tërhiqet Berisha ndonjëherë? Luan Baçi: Ne morëm vulën, askush nuk u ndie

E ardhmja e PD-së/ Nesturi: A do tërhiqet Berisha ndonjëherë? Luan Baçi: Ne morëm vulën, askush nuk u ndie