Gati një muaj pas tërmeteve vdekjeprurëse që godituën Turqinë Jugore, presidenti turk Rexhep Taip Erdogan, ka deklaruar se nuk do të ketë shtyrje të zgjedhjeve, por ato do të mbahen në 14 maj.
Pavarësisht situatës së vështirë që po kalon vendi pas tërmeteve vdekjeprurëse të 6 shkurtit që u morën jetën mbi 45 mijë personave, presidenti turk Rexhep Taip Erdogan është i vendosur të zhvillojë zgjedhjet më 14 maj. Në një deklaratë për mediat Erdogan ka hedhur poshtë mundësinë e shtyrjes së zgjedhjeve, pas tërmeteve shkatërruese të muajit shkurt.
“Populli turk do ta bëjë atë që duhet, më 14 maj”, u ka thënë ai ligjvënësve në Parlamentin e Ankarasë, datë kjo që ishte propozuar më herët prej tij. Erdogan shpreson që Qeveria e tij do të qëndrojë në pushtet deri në vitin 2028. Por pas tërmeteve tragjike zemërimi popullor ka qenë i madh, sidomos për reagimin e vonuar të emergjencave gjatë ditës së parë. Akuzat për qeverinë janë hedhur edhe që ka lejuar ndërtimet pa cilësi dhe i ka certifikuar ato, cka rezultoi me shembjen e tyre.
Erdogan u përball me zëmërimin e qytetarëve gjatë një prej vizitave në zonat e goditura nga tërmeti, ku pati prej tyre që e akuzuan në mënyrë të drejtëpdrejtë për pasojat e fatkeqësisë.
Erdogan ka shpallur gjendje të jashtëzakonshme për tre muaj në 11 provincat e goditura nga tërmetet. Ky rajon është duke u përballur me pasgoditje të vazhdueshme tërmeti duke e bërë pothuajse të pamundur zhvillimin e fushatës dhe zgjedhjeve në atë zonë.
Nisur nga ajo që po kalon vendi prej gati një muaji, shumë analistë në Turqi, besojnë se këto zgjedhje mund të shënojnë fundin e epokës së Erdogan, duke mbyllur qeverisjes së tij prej 20 vitesh.
Lajme të tjera
-
VIDEO/ Ernest Muçi shënon supergol në Turqi, portieri 'sheh' topin në rrjetë
19 Prill, 19:25 -
I shpallur në kërkim ndërkombëtar, arrestohet në Morinë 36 vjeçari turk
19 Prill, 16:23 -
BE dëshiron të rifillojë negociatat me Turqinë
19 Prill, 08:22 -
Tërmet në Turqi! Ja sa ishte magnituda
18 Prill, 18:04 -
Sokol Cikalleshi firmë të re mbi kontratë
17 Prill, 15:31 -
'S'dua të ndjeni mëshirë për mua', Rey Manaj: Idhull kam Ronaldo Fenomenin, më pëlqen bakllavaja
14 Prill, 22:33 -
Turqi/ Rrëzohet teleferiku në Antalia, 1 i vdekur, qindra persona të bllokuar në ajër
13 Prill, 09:34 -
Gjobë 115 mijë euro për Fenerbahcen, trajneri pezullohet me 60 ditë
11 Prill, 18:32 -
Turqi/ Sulmi me armë në kishën në Stamboll, arrestohen 48 të dyshuar për lidhje me Shtetin Islamik
6 Prill, 13:21 -
VIDEO/ Manaj hero i Sivassporit, goli i shqiptarit rikthen ekipin te fitoret pas 2 humbjeve
4 Prill, 10:02 -
Besiktas refuzon 20 milionë euro për Ernest Muçin
3 Prill, 14:52 -
Turqi, zjarr në një pallat në qendër të Stambollit, deri tani 29 të vdekur
2 Prill, 16:13
