Ekskluzive/ Erdogani shqiptar në derën e xhamisë së Namazgjasë! 9-vjeçari udhëton me gjyshin nga Dibra: Dua të takoj presidentin turk

TIRANË- Ka udhëtuar me furgon nga Dibra në Tiranë. Erdogani shqiptar, vetëm 9 vjeç, bashkë me gjyshin e tij kanë mbërritur para xhamisë së Namazgjasë me shpresën e vetme, për të takuar presidentin turk Recep Tayyip Erdogan, i cili sot po viziton vendin tonë.

Ekskluzivisht për Report Tv, Erdogani 9-vjeçar tregon edhe se kush ia ka vendosur emrin.

Si quhesh? Erdogan Muçina.

LEXO EDHE:
LIVE-Vizita në Tiranë, Erdogan e Rama deklaratë për shtyp

Kush ta ka vendosur emrin? Babi. 9 vjeç.

Të pëlqen emri? Po.

A të thonë shokët që ke emër të çuditshëm? Po. Kam ardhur ta takoj presidentin.  

Gjyshi i tij tregon për Report Tv se emrin Erdogan e zgjodhën edhe për shkak të besimit mysliman, ndërsa thotë se hapjen e Namazgjasë e prisnin me padurim. Edhe gjyshi, në dyert e Xhamisë së Namazgjasë, shpreh dëshirën që nipi të mundet të takojë sot Erdoganin.

“E përshëndes Erdogan, e uroj për mirëseardhjen. I kam vënë emirin nipit Erdogan, na pëlqente emri. Kemi ardhur me dëshirën tonë, me shpenzimet tona. Vetëm ta takojmë Erdogan, ishalla nipi do e takojë. Jemi besimtarë, shkojmë në xhami. Kam 6 nipër, i marr me vete çdo të premte. Me durim e prisnim këtë xhami. Kam shpresa, ishalla ta takoj djali”, tha gjyshi i 9-vjeçarit për Report Tv.

Me 6 nipër, gjyshi thotë se çdo të premte i merr në xhami.

SI.E./r.k./Shqiptarja.com

TAG:
• erdogan ne Shqiperi
• Erdogan Muçina
• Xhamia e Namazgjasë