POP 5

Lajmet më të lexuara të 5 minutave të fundit

Ekonomi

ERE: CEZ do menaxhohet nga
një administrator shtetëro

Enti Rregullator i Energjisë vendos procedurat e emërimit të administratorit publik për vijimin e punës në kompaninë energjetike çeke që operon në Shqipëri, CEZ-Shpërndarje. Administratori do të paguhet nga CEZ. Do të jetë një person me eksperiencë dhe të mos ketë konflikt interesi.
ERE: CEZ do menaxhohet nga<br />një administrator shtetëro
TIRANE - Enti Rregullator i Energjisë vendos procedurat e emërimit të administratorit publik për vijimin e punës në kompaninë energjetike çeke që operon në Shqipëri, nëse kompanisë CEZ-Shpërndarje i hiqet licenca .

Bordi i ERE vendosi që nëse CEZ ikën nga Shqipëria administrimi do të bëhet nga shteti deri në ardhjen e një kompanie tjetër.

Procedurat nisin para marrjes së vendimit pro apo kundër largimit të kompanisë çeke në mënyrë që të mos krijohen probleme me furnizimin e energjisë nëse vendoset heqja e licencës.

"Neni 18 i rregullores jep arsyen si do administrohet nëse do të merret masa e fundit për komapninë e shpërndrarjes siç është heqja e licencës."- tha Sokol Ramadani, kryetari i ERE-s.

Administratori i ri do të garantojë më tej vijimin e punës së kësaj kompanie. Ai do të shërbejë si komisar i dërguar nga qeveria për të realizuar kalimimin e pronësisë nga CEZ tek shtetit, i cili aktualisht ka 26 % të aksioneve.

Burime nga shoqëria çeke bëjnë të ditur se ndërmarrja mund të ndahet në 2 nënndëmarrje, një për shpërndarjen e energjisë dhe një për atë të pronave që CEZ ka blerë në Shqipëri.  Administratori do të sigurojë mbarëvajtjen në shpërndarjen e energjisë tek konsumatorët si dhe do ketë raportime periodike pranë ERE-s.

KRITERET PER ADMINISTRATORIN
ERE do të publikojë vendin vakant në gazetat kryesore. Administratori do të jetë një person me eksperiencë, të mos ketë konflikt interesi dhe paga e tij do paguhet nga CEZ.
Më herët drejtori juridik i ERE-s, Eduard Elezi ka bërë publike në media se nëse vendoset heqja e licencës për CEZ-it do të garantohet furnizimi me energji për konsumatorët.

Administratori është kusht i përkohshëm të vazhdojë funksioni i rrjetit të shpërndarjes dhe furnizimit me energji elektrike.

Pas datës 20 janar ERE do të marrë vendim ndaj CEZ në lidhje me dy licencat që ka sot kompania çeke, atë të shpërndarjes dhe atë të përdorimit të aseteve për transmetimin e energjisë, procedurat e së cilës nisën në nëntor të vitit 2012, pasi u konstatua performancë jo pozitive e saj në tregun energjetik shqiptar.

Redaksia Online
(Gre.M/sg/ Shqipatarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Zbërthimi i SkyECC/ Mes 21 masave sigurie edhe emri i Prek Kodra, në 2021 u akuzua se do të vriste Albin Kurtin

Zbërthimi i SkyECC/ Mes 21 masave sigurie edhe emri i Prek Kodra, në 2021 u akuzua se do të vriste Albin Kurtin

26 Nëntor, 10:29