TIRANE- Çmimi fundor, me të cilin do të paguajnë familjarët energjinë elektrike nga 1 janari i vitit të ardhshëm do të jetë rreth shifrës 9.7 lekë për kilovatorë. Sipas burimeve nga Enti Rregullator i Energjisë, kjo shifër mund të ndryshojë edhe më tej, në ulje, deri të premten, më 26 dhjetor, kur parashikohet të shpallet përfundimisht vendimi për tarifat e reja të energjisë elektrike nga ana e Bordit të Komisionerëve të Entit Rregullator.

Nga ERE mësohet se marrja e një vendimi ka zgjatur në kohë për shkak të analizës që po u kryhet kërkesave të tre operatorëve kryesorë në energjetikë, të tre aktualisht në pronësi 100% shtetërore.