Eris Nezha e Petra Conti, dy yjet
e La Scala-s martohen në Tiranë

Tiranë - Dy yje të skenës botërore të baletit martohen në Tiranë. Eris Nezha dhe bashkëshortja e tij Petra Konti, çifti i balerinëve të parë në teatrin La Scala të Milanos, zgjodhën 14 gushtin në një ambjent të qetë në periferi të Tiranës, mes familjarësh e miqsh të kurorëzojnë dasmën së tyre.

Qysh në hyrje ambjenti të përgatiste për të kaluar mrekullisht: muzikë e qetë, një gotë verë, shëtitje e shkurtër për të eksploruar ambjentin e bisedë e ngrohtë mes të njohurish, sidomos kur në mes janë edhe emocionet e mrekullueshme të një dite kaq të rëndësishme.





(Foto: Dasma e Eris Nezha dhe Petra Conti)

Mikpritës ishin prindërit e Erisit, Iliri dhe Rajmonda. Z. Ilir Nezha, një burrë i paqtë dhe i fisëm që fluturonte nga gëzimi dhe i buzëqeshnin sytë tek fliste për martesën e të birit, por edhe për nusen e djalit të tij, të emblën Petra ashtu siç e kishte me dëshirë ta quante.

Tashmë Eris Nezha është një emër i njohur në La Scala. Ai është një djalë i ri me një të ardhme të ndritur para, megjithatë Znj. Rajmonda, nëna e tij, na rrëfen se nëse kushtet e tyre do të ishin më të favorshme, Erisi mund të ishte edhe më lart.

(Foto: Eris Nezha dhe Petra Conti)

Aty atmosfera u shndërrua në një dasme tradicionalsht shqiptare, kështu e dëshironte Erisi, me muzikë dhe valle shqiptare. Ndrojtjes sime për të ndërhyrë në një ditë kaq të vecantë për ta, me dëshirëen për një intervistë të shkurtër ata ju përgjigjën me një thjeshtësi që më habiti, por edhe më gëzoi. Me kënaqësi ata pranuan të ndajnë pak nga emocionet e tyre në një ditë të madhe. 



Ndërsa gjithçka rridhte bukur, edhe më shumë shtohej dëshira për të parë ciftin në vallëzim. Aq më shumë Petrën dhe komportimin e saj në këtë drejtim në një ambjent shqiptar.
 
Megjithëse përballë një kavalieri si Erisi ajo nuk mund të ishte vecse një flutur. Gjithcka shkoi sipas parashikimit. Lumturia e madhe u bë edhe më e dukshme në këtë pjesë, që më shumë se kujtdo ju takonte atyre të dyve.




Redaksia Online

(v.gj/shqiptarja.com)