Ermal Jauri: Si të fitojmë nga
punësimi sezonal në Amerikë

TIRANE- Në çdo prag vjeshte shqiptarët provojnë fatin në lotarinë Amerikane. Ndryshe nga vitet e kaluara, këtë vit është shënuar një rekord prej 200 mijë aplikimesh për ‘tokën e premtuar’. Por, lotaria nuk është e vetmja mundësi që shqiptarët kanë. Tashmë fal ndërmjetësimit të agjencive mund të shkelim tokën e premtuar falë një kontrate pune sezonale. Ermal Jauri, Drejtori Ekzekutiv i “Europe Agency” na tregon hapat ku të gjithë studentët mund të kenë një kontratë të punësimit sezonal në Amerikë.

“Europe Agency në bashkëpunim me partnerët e saj të programit të shkëmbimeve kulturore në Shtetet e Bashkuara të Amerikës sjell rishtazi në tregun shqiptar programin e punësimit sezonal “Work and Travel” dhe H2B me kontratë pune deri në 12 muaj në SHBA me të drejtë rinovimi, pjesë e programit të shkëmbimeve kulturore J1”, tregon Jauri. Krahas punësimit në USA, në vijimësi të planit vjetor të punës, Europe Agency sapo ka filluar një tur rekrutimi në mbarë Shqipërinë për pozicione të ndryshme punësimi jashtë vendit. Intervistat po kryhen drejtpërdrejt ndërmjet aplikantit dhe punëdhënësit i cili ndodhet në Tiranë për intervista rekrutimi.