Ermela: Nuk mund të krahasohem me Joanën

Ermela Mezuraj, e vetmja fituese femër e pesë edicioneve të kaluara të Big Brother, e ftuar në Fan’s club ka dhënë opinionin e saj për lojën e banorëve. Një nga pyetjet që i është bërë Ermelës ka qenë edhe ajo se si e komenton faktin që Anaidi i ka thënë Joanës se ka të njëjtën pëlqyeshmëri me Ermelën në publik.



“Joana përpiqet të bëjë shou, po kjo nuk do të thotë se ka inteligjencën e duhur sa të krijojë një strategji dhe pa strategji aty brenda je i fikur.

Është e ekzagjeruar si natyrë, me aq sa unë kuptoj. Dhe nëse do e përkufizoja vetëm me një fjalë Joanën do ishte femra që s’do doja kurrë ta kisha për shoqe”, -ka thënë ajo, teksa ka shtuar se krahasimi mes saj dhe Joanës nga ana e Anaidit nuk ka vend dhe nuk qëndron.

Redaksia Online
J.H/xh.k/shqiptarja.com)