POP 5

Lajmet më të lexuara të 5 minutave të fundit

Kronikë

Ersekë/ Rrezikojnë jetën duke kaluar lumin me makinë! Fshati Prodan 30 vite pa urë, banorët apel bashkisë

Fshati Prodan afër 10 km nga Erseka, vuan prej vitesh mungesën e një ure kalimi. Për banorët e kësaj zone kjo situatë është tepër problematike, pasi nga ana tjetër e lumit ndodhen tokat bujqësore, Kisha, Xhamia edhe varrezat e fshatit. Mungesa e një ure ka bërë që ata shpesh rrezikojnë jetën duke tentuar të kalojnë në anën tjetër

Këta 4 qytetarë po kalojnë me makinë lumin Prodan me fuoristradë për të shkuar në banesat e tyre. Rrezikojnë jetën për shkak se një urë që të normalisht në fshat mungon prej 30 vitesh.

Mjeti me të cilin udhëtonin mbeti në mes të lumit, por fatmirësisht u shpëtuan në kohë nga punonjësit e zjarrfikëses.

Premtime nga autoritet kanë marrë vazhdimisht por një urë për në shtëpi ende nuk e kanë.

“Lumi ka qenë problematikë gjithë jetën e tij dhe nuk ka rrugëzgjidhje, pushteti këtu nuk e ka vënë ujin në zjarr fare”.- tha një banor.

Situata bëhet më e vështirë në vjeshtë dhe në dimër, pasi lumi fryhet dhe vjen me vërshime të mëdha për shkak të reshjeve të shiut.

“Ky lum ka patur përmbytje, rrëshqitje, fadroma e bashkisë mbeti këtu, ulu ngjitu se bllokohet nga gurët”.- u shpreh një banor.

“Rruga është e vështirë kur vijnë shirat, dhe tani vështirë është, vetëm për urën”.- tha një banor.

“Nga zona në zonë kalon blegtoria, kalojmë ne, shkojmë në Kishë, kemi probleme jetësore”.- u shpreh një banor.

Në Prodan jetojnë 30 familje, po kaq edhe në fshatin përballë, në Gjonç, por dimri i bllokon kontaktet mes tyre deri në izolim të plotë.

Deri sa bashkia të mbajë premtimin që u ka dhënë, e vetmja thirrje e përsëritur e banorëve është ajo për të pasur një urë.

M.Q./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gjonci: 28/11/2023 14:12

    Ky Prodani perenje perrenje, 3 shtepi 5 budallenje, Ha.... Po ca kronike jepni o njerez! Te ankohet Gjonci po se ata duhet te kalojne neper perrua, se skane rruge tjeter Ju te prodanit lrisni te mbarroje shiu pastaj shkoni ne kishe. Svajtet 50 vjet, su be qameti se pritet 50 minuta

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Atmosfera festive në Kosovë, tregu i Krishtlindjeve në Prishtinë tërheq vëmendjen e të huajve

Atmosfera festive në Kosovë, tregu i Krishtlindjeve në Prishtinë tërheq vëmendjen e të huajve

25 Dhjetor, 16:02