POP 5

Lajmet më të lexuara të 5 minutave të fundit

Kultura

Lajme nga emisionet

Esencë/ Aktorja dhe regjisorja Suela Bako rrëfen dashuritë e jetës: Në fund arti do të na shpëtojë nga shëmtia e botës

Një rrëfim i sinqertë dhe i ngrohtë për familjen dhe profesionin, për një dyshe që ndikon veten në mënyrë të pashmangshme. Shumë foto të jetës së saj artistike, në këto vite angazhim në teatër e kinema, pas kamerës gjithashtu, zgjuan kujtime e përjetime.

Këtë herë në “Esence” ndamë emocione, ndjesi, kujtime e përjetime me një kthim pas në kohë me aktoren dhe regjisoren Suela Bako. Një rrëfim i sinqertë dhe i ngrohtë për familjen dhe profesionin, për një dyshe që ndikon veten në mënyrë të pashmangshme. Shumë foto të jetës së saj artistike, në këto vite angazhim në teatër e kinema, pas kamerës gjithashtu, zgjuan kujtime e përjetime.

“Përballë çdo dileme në këtë profesion, gjithnjë them se ia vlen”- citoi Suela në studio duke pohuar edhe njëherë pasionin  dhe përkushtimin për punën që bën.

E kur vjen fjala për ta trashëguar në familje, për shkak të vështirësive që ajo i njeh, veçanërisht  për të bijën nuk e ka dashur asnjëherë, pavarësisht se e ka përfshirë në projektet e saj si aktore që në fëmijëri.

Ndërsa mes saj dhe bashkëshortit, aktorit Romir Zalla, ka gjithnjë kritika konstruktive që ata nuk ia kursejnë njëri-tjetrit. Ata e mbështesin po aq sa e kritikojnë sho-shoqin për çdo iniciativë profesionale. Pasioni i saj për atë që bën, shtrihet në një ekuilibër mes teatrit, filmit dhe të qenit pas kamerës si regjisore.

Janë eksperienca që Suela thjesht nuk i shkëput dot nga njëra tjetra por iu dedikohet dhe i do me të njëjtin intensitet. Në fund të së gjithës, arti do të na shpëtojë nga shëmtia e botës. Dhe Suela Bako, e ka lehtësisht të lexueshme në qenien e saj njerëzore dhe artistike, se gjithçka që bën, e do.

Një video mesazh surprizë nga e bija, ishte qershia mbi tortë, një emocion që vetëm marrëdhënia prind-fëmijë ka fuqinë ta përçojë.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Vranësira dhe reshje shiu... parashikimi i motit për këtë javë

Vranësira dhe reshje shiu... parashikimi i motit për këtë javë

27 Janar, 07:08