POP 5

Lajmet më të lexuara të 5 minutave të fundit

Opinion

Eshtë e sigurt, Berisha do të 'tërheqë këmbën zvarrë'

Amerikanët nuk nxitohen. Ata gjithmonë e nisin ngadalë, por e bitisin siç duhet dhe kur duhet. Kjo ka ndodhur edhe me ish-kryeministrin e vendit  Sali Berisha. Mandatën ja dhanë pikërisht tani, kur drejtësia e re ka marrë më shumë se kurrë, mbështetjen maksimale nga SHBA, për ti dhënë goditje fatale krimit, trafiqeve, dhe korrupsionit.

Eshtë e sigurt, Berisha do të 'tërheqë këmbën zvarrë'

Sali Berisha

Amerikanët nuk nxitohen. Ata gjithmonë e nisin ngadalë, por e bitisin siç duhet dhe kur duhet. Kjo ka ndodhur edhe me ish-kryeministrin e vendit  Sali Berisha. Mandatën ja dhanë pikërisht tani, kur drejtësia e re ka marrë më shumë se kurrë, mbështetjen maksimale nga SHBA, për ti dhënë goditje fatale krimit, trafiqeve, dhe korrupsionit.

 Ka ardhur koha që ky vend të “qeshë” dhe qytetarët e tij të ndjehen se janë të lirë. Të ndjehen se kanë partnerë të sigurtë në botën demokratike. Askush deri dje nuk e besonte se Berisha  dhe familja e tij, do të merrnin një dënim të tillë. Tani vërtetë mbetet rradha e “FBI”-së shqiptare, për të hapur historitë e vjetra dhe të reja, të një dinastie që e shkatërroi vendin dhe jetën e shqiptarëve për 30 vjet. Ka ardhur momenti  të hetojnë 1996, vitin e zi 1997, 1998, 2001, Gërdecin, 21 Janarin, vjedhjen e floririt, pasurimin marramendës të kupolës berishiste, familjarëve dhe servilëve politikë të tyre. Ka ardhur koha të preken të paprekshmit. Erdhi momenti që shqiptarët të shohin pas hekurave, milionerët e paskrupullt, që kanë veshur me të zeza qindra e mijëra nëna nga vrasjet dhe krimet e padëgjuara, përmes armëve të dala nga depot e shtetit  25 vjet më parë. Më tepër se kurrë, Lulzim Basha po e ndjen se shumë shpejt do të vijë edhe rradha e tij.

 Të njëjtën gjë po ndjen edhe Ilir Meta apo dhe Fatmir Mediu. Janë një tufë e madhe horrash që kanë kryer zullume dhe krime të çdo lloji në këtë vend, që kanë 2 dekada e gjysëm që akuzohen nga media, por që me drejtësinë e molepsur, nuk u hetuan dhe gjykuan  kurrë. Më mirë vonë se kurrë, por thonë edhe një fjalë tjetër për ish-drejtuesit e inkriminuar dhe korruptuar  “e gjeçi nga amerikanët”. Eshtë e sigurtë se Sali Berisha do të “tërheqë këmbën  zvarrë” siç thotë populli. Pas tij, do të ketë të tjerë emra politikanësh që kanë mbushur kupën e zullumeve, dhe thesin me milionat e shqiptarëve, që DASH do ti shpallë “non grata”. Stuhia e madhe pritet të nisë.

Ajo do të spastrojë skenën politike, dhe do të kthjellojë  imazhin e vendit në sytë e ndërkombëtarëve. Gjithkush nga ne , duhet ti jetë mirënjohës SHBA-së, partnerit më besnik dhe më stradegjik që ka Shqipëria, për ndihmën e madhe në reformimin e drejtësisë së re. Ajo mbetet sot, “arma” më e fuqishme në duart e njerzve të përgjegjshëm të përzgjedhur nga Vettingu amerikan, për të nisur ndëshkimin e “të fortëve” të politikës. Ata që e penguan dhe vazhdojnë ta mallëkojnë reformën dhe drejtësinë e re, ka ardhur koha të përballen për shkeljet e ligjit dhe krimet e bëra. Amerikanët “vranë” frikën, dhe u dhanë zemër  dhe besim shqiptarëve, për të qenë të sigurtë në rrugën  dhe integrimin e tyre euroatlantik.Viti 2021,pritet të jetë viti i “surprizave” të mëdha në skenën politike shqiptare. Lum kush e ka kuptuar, dhe mjerë kush e ka harruar, se ç’bëjnë amerikanët me armiqtë e demokracisë dhe lirisë në botë, apo edhe me të babëziturit  e parasë.

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

FOTOT/ Tirana shkëlqen për festat e fundvitit

FOTOT/ Tirana shkëlqen për festat e fundvitit

25 Dhjetor, 21:16