Nga Memaliaj, ku po zhvillon një takim elektoral i shoqëruar nga kandidatët e Qarkut Gjirokastër Edi Rama foli për zhvillimin e ditës dhe i paralajmëroi qartë ata që ai i quajti si pengmarrësit e aeroportit të Rinasit.
"Ka ndodhur një akt i paimagjinueshëm, është marrë peng aktiviteti i aeroportit nga një grup i nxitur drejtpërdrejt nga Sali Berisha dhe Ilir Meta. Po përdorin një gur me emrin Leshko. Kupton edhe një herë se si Ilir Meta dhe Sali Berisha janë në këtë përpjekje për të rrëzuar Qeverinë tonë, duke rrezikuar shtetin. Kanë bllokuar edhe vaksinimin. Por nuk do t'ia arrijnë. Kanë gjetur Qeverinë dhe Kryeministrin e gabuar. Unë shpresoj shumë dhe u bëj thirrje punonjësve që të kthehen në detyrë një orë e më parë.
Paga është ulur si rezultat i pandemisë që ka goditur kudo dhe ka goditur më së shumti sektorin e transportit. Aktualisht e kanë mbi 2400 dollarë dhe nuk pranojnë të punojnë me këtë rrogë. I kanë bërë llogaritë gabim por plani i tyre për të mbyllur aeroportin mundësisht deri në zgjedhje dhe plani për goditjen e sigurisë kombëtare do të dështojë. Bllokimi i aeroportit bllokon ardhjen e vaksinave, bllokon lëvizjen e qytetarëve. Këta të gjithë janë socialistë, demokratë, me bindje të ndryshme dhe goditen po njësoj në emër të asaj politike ogurzezë për Shqipërinë, ekonominë e këtij vendi, të ardhmen e këtij vendit", tha Rama.
Ai ceku në fjalën e tij edhe një çështje për të cilën nuk ka pasur një qëndrim së fundmi, gjyqin me Becchettin. Rama tha se ai nuk do të marrë asgjë nga paratë e shqiptarëve.
"Ai marifetçiu bashkë me Ilir dhe Saliun do të marrin atë që nuk thuhet, atë që ngelet dhe nuk hahet. Ai marifetçiu i paskrupullt kërkohet nga drejtësia e shqiptarëve dhe nuk do të marrë asgjë nga paratë e shqiptarëve", tha Kryeministri.
Kujtojmë se disa ditë më parë në një shkrim të Zërit të Amerikës u njoftua se Shqipëria humbi gjyqin me sipërmarrësin italian Francesco Becchetti, lidhur me dëmshpërblimin e kërkuar nga ai për mbylljen e televizionit “Agon” në vitin 2015. Qendra Ndërkombëtare për Zgjidhjen e Mosmarrëveshjeve të Investimeve (ICSID) një gjykatë arbitrazhi, pjesë e Bankës Botërore, e dënoi Shqipërinë në Prill të vitit 2019 me 110 milion euro, duke gjykuar se mbyllja e televizionit ishte “motivuar politikisht”.
I pranishëm në Tepelenë, në vijim të fushatës elektorale, kryeministri Edi Rma përmendi investimet që ka bërë qeveria e tij gjatë këtyre tetë viteve, mes të cilave edhe aeroporti i Kukësit.
Rama tha se aeroporti i Kukësit pritet të hapet për pak ditë, ndërsa shtoi se mbase kjo ka qenë arsyeja “që shtynë Ilirin dhe Saliun në sulmin e çmendur në aeroportin e Rinasit”.
“Rruga është shtruar dhe na duhet vetëm të ecim përpara. Për pak ditë hapim aeroportin e Kukësit, mbase dhe hapja e aeroportit të Kukësit ka qenë një nga motivet që shtynë Ilirin dhe Saliun në sulmin e çmendur në aeroportin e Rinasit. Të gjitha këto porta do sjellin njerëz e konsumatorë në vendin tonë. Do ta bëjmë Shqipërinë kampione në Ballkan për eksportet bujqësore, sot e kemi çuar në 400 mln do ta çojmë në mbi 1 miliard mandatin e tretë. Nuk është për mua mandati i tretë, as për të mbajtur PS në pushtet, por për të mos lënë që Shqipëria të kthehet edhe njëherë mbrapa”, tha Rama.
Ndërsa u ndal te potenciali i vendit për turizmin, Rama tha se Tepelena është udhëkryq i madh ku do të kalojnë të gjitha flukset e vizitorëve, ndërsa i bëri thirrje emigrantëve nga zona që të kthehen dhe të investojnë në fshat, duke i kthyer shtëpitë në bujtina.
“Tepelena është një udhëkryq i madh ku do të kalojnë të gjitha flukset e vizitorëve për të eksploruar mrekullitë e natyrës dhe për të shijuar traditat. Rruga që tani është realitet që lidh Labërinë lart me detin poshtë, mbyll një histori të gjatë largësie dhe krijon kushtet për zhvillim krejt tjetër, ashtu sikurse Tepelena do të bëhet pikë referimi për shumëkënd që do të vijë poshtë gjatë sezonit të verës. I them të gjithë emigrantëve që të kthejnë sytë nga rrënjët, nga fshati i tyre, të investojnë pa frikë kursimet e tyre për t’i kthyer ato shtëpi në bujtina, për të investuar në turizëm me traditën e blegtorisë dhe të jenë të bindur se ajo që do të fitojnë do të jetë më tepër se ajo që fitojnë nëpër botë. Nuk është e thënë që të vijnë e të rrinë këtu menjëherë, por të fillojnë të investojnë. Do ta kthejmë Shqipërinë në kampione të turizmit në Rajon. Rruga është shtruar dhe na duhet vetëm të ecim përpara. Për pak ditë hapim aeroportin e Kukësit, mbase dhe hapja e aeroportit të Kukësit ka qenë një nga motivet që shtynë Ilirin dhe Saliun në sulmin e çmendur në aeroportin e Rinasit. Të gjitha këto porta do sjellin njerëz e konsumatorë në vendin tonë. Do ta bëjmë Shqipërinë kampione në Ballkan për eksportet bujqësore, sot e kemi çuar në 400 mln do ta çojmë në mbi 1 miliard mandatin e tretë. Nuk është për mua mandati i tretë, as për të mbajtur PS në pushtet, por për të mos lënë që Shqipëria të kthehet edhe njëherë mbrapa”, shtoi Rama.
Lajme të tjera
-
Misioni diplomatik në Bruksel hap dyert për shqiptarët, Rama: Bëhu pjesë e 'Team Albania', kontribuo në anëtarësimin e vendit në BE
27 Nëntor, 16:25 -
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
27 Nëntor, 13:05 -
Siguria në shkolla/Rama njofton planin e masave: Kamera në shkolla dhe kontroll dixhital për çdo mjet metalik në çanta! Konsultime për mbylljen e TikTok dhe SnapChat
26 Nëntor, 13:58 -
Bulqizë/ Rama prezanton projektin transformues të zonës ushtarake: Dibra do kthehet në periferinë e gjelbër të kryeqytetit! Rruga e Arbrit drejt përfundimit, Tuneli i Murrizit pati marrje mësysh
26 Nëntor, 11:14 -
Bazuar në romanin e Ismail Kadaresë, 'Kthimi i Ushtrisë së Vdekur' një tjetër film që i nënshtrohet restaurimit 4K
26 Nëntor, 09:10 -
Operacioni i SPAK në Elbasan, Ngjela në Report Tv: SPAK në veprim, kriminaliteti i rritur te moshat e vogla! Berisha me regjim burgu, s’ka njerëz për të bërë revolucion
25 Nëntor, 19:01 -
Ylli Pata: Ajo që nuk u pa nga takimi i Edi Ramës në Londër!
25 Nëntor, 18:28
-
Nis puna për ndërtimin e Parkut Urban në Spitallë të Durrësit, Rama: Hapësirë rekreative, gjelbërim, pistë biçikletash dhe terrene sportive për fëmijë
25 Nëntor, 16:07 -
Trafikanti që mbështet Berishën: Nuk më lejuan të futesha në sallën ku Rama mbajti takimin! Isha i maskuar po më njohën
25 Nëntor, 13:01 -
Berisha nga ballkoni përdor vdekjen e 14-vjeçarit: Nesër nderojmë Martin Canin, të martën protestë në Tiranë! Rama dhunoi emigrantët në Londër
24 Nëntor, 20:29 -
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Takimi i Ramës në Londër/ Parashikimi i Spahiut për diasporën në Report TV: Maksimumi 6-7% e emigrantëve do votojnë në zgjedhjet e 2025!
24 Nëntor, 15:47
