Teksa shifrat e infektimeve ditore nga koronavirus tashmë i kanë kaluar 1000, thirrjet e autoriteteve shëndetësore për respektim të masave anti-COVID duket se po bien në vesh të shurdhët sidomos kur vjen fjala te politikanët. Ethet e garës elektorale i kanë bërë ata të harrojnë ekzistencën e pandemisë, e cila vetëm një ditë më parë mori në vendin tonë 14 jetë.
Ndonëse përpiqen të kurojnë mediatikisht takimet e tyre elektorale, duke u shfaqur me maska dhe jo grumbullime janë rrjetet sociale ato që po tradhëtojnë devotshmërinë e politikanëve për të ruajtur shëndetin e qytetarëve në prag fushate.
Pas zyrtarizimit me vonesë të drejtuesve të qarqeve, PD nisi intensivisht takimet. Në fotot e publikuara në rrjetet sociale, herë në ambiente të mbyllura e herë në ambiente të hapura, grumbullimet i kalojnë 10 persona, ndonëse akti normativ i ndalon. Maskat mungojnë në pjesën më të madhe të tyre.
Ajo çka rrit më tepër rrezikshmërinë, është fakti që në këto takime marrin pjesë simpatizantë të moshave mbi 50 vjeç, që janë edhe kategoria më e rrezikuar nga koronavirusi.
Edhe socialistët nuk kanë mundur ti shpëtojnë shkeljeve ndaj masave anti-COVID.
Së fundmi 'sfiduese' e masave anti-COVID ka qenë edhe ministrja e Shtetit për Marrëdhëniet me Parlamentin, Elisa Spiropali, e cila si pjesë e qeverisë duhet të kishte përgjegjësi të drejtpërdrejtë në ndërgjegjësimin e qytetarëve për rrezikun e koronavirus.
Në përpjekje për të mbledhur rreth vetes elektorat, edhe ish deputetët e LSI kanë publikuar në rrjetet sociale takime elektorale ku nuk mbahen as maska dhe nuk respektohet as distance fizike.
E teksa partitë e mëdha refuzojnë të bëhen shembuj, nën hapat e tyre ecin dhe partitë e vogla, apo kandidatët e pavarur për të cilët sigurimi i një vendi të sigurt në parlament është më I rëndësishëm se shëndeti I atyre që I mbështesin.
Autoritetet shëndetësore kanë paralajmëruar ashpërsim të masave nëse trendi I infektimeve vijon rritjen, por partitë politike që po shkelin hapur masat, duke rrezikuar edhe jetët e qytetarëve, vijojnë të mbeten të pandëshkuara.
Lajme të tjera
-
Duhet të besojmë tek vetja e të forcojmë fitoren e PD
1 Maj, 16:31
-
Bashkëshorti i ministres goditi me thikë drejtorin e Agjencisë së Trajtimit të Kredive, PD: Kambanë alarmi, Ibrahimaj të dorëhiqet
1 Maj, 13:05 -
Veliaj në SPAK, Klosi e Spiropali nga Shkodra: S'na shqetëson, jemi të hapur për drejtësinë e re
1 Maj, 11:32
-
Rama në Theth: Destinacion evropian! ‘Paketa e Maleve’ mbështetje e re për vendasit që duan të investojnë në tokën e të parëve
30 Prill, 18:08 -
VIDEO/ Rama ngjitet në Theth me Spiropalin dhe Becin: Jam këtu me Mamicën dhe Vrana Kontin
30 Prill, 12:16 -
Kuvend/ Opozita: Parlamenti të distancohet nga sjellja e Ramës ndaj Rai3! PS: Sulm i turpshëm, balta e Tiranës u paketua edhe në italisht
29 Prill, 17:19 -
‘Ligj kundër tradhtarëve’, Petro Koçi dorëzon nismën në Kuvend: Kush përdhos simbolet kombëtare t’i ndalohet të ushtrojë funksione publike
29 Prill, 16:01 -
Para Kuvendit, Çuçi mbledh grupin e PS! Zbardhen çështjet që u diskutuan
29 Prill, 10:52 -
Basha me shqiptarët në Lombardi: Kasta e vjetër politike komplot kundër votës së emigrantëve, ju shohin si rrezik
28 Prill, 19:00 -
Takimet me diasporën, Blendi Klosi nga Korça: Fokusi tek rienergjizimi i PS! Shqipëria 2030, transformim epokal i vendit
26 Prill, 19:00 -
Rithemelimi do debat/ Elisa Spiropali: Kërkojnë të na vënë përpara një tabaka të përbaltur, emisioni i RAI-t një pabesi ndaj shqiptarëve
26 Prill, 17:25 -
Vota e diasporës dhe problematikat e emigrantëve, Basha takim me bashkatdhetarët në Itali
26 Prill, 15:02
