POP 5

Lajmet më të lexuara të 5 minutave të fundit

Sport

Etrit Berisha largohet nga Torino, portieri mbetet në Serie A

Etrit Berisha po kërkon një ekip të ri, pasi drejtuesit e Torinos i kanë kërkuar largimin, duke mos i gjetur një vend në formacion.

Etrit Berisha largohet nga Torino, portieri mbetet në Serie A

Etrit Berisha

Etrit Berisha po kërkon një ekip të ri, pasi drejtuesit e Torinos i kanë kërkuar largimin, duke mos i gjetur një vend në formacion. Portieri 34-vjeçar i Kombëtares ka refuzuar disa oferta në Turqi, teksa në dritë ka dalë Frosinone, ekipi i ngjitur sezonin e fundit në elitën e futbollit italian.

Siç raporton "TuttoMercato", thelbi i negociatave mes Frosinones dhe Etrit Berishës do të kishte të bënte me pagën. Ai paguhet gati një milione euro neto në vit, një shifër e papërballueshme për skuadra si Frosinone. Kontrata e portierit me Torinos do të skadojë në verën e vitit 2024 dhe të dyja palët synojnë të arrijnë në një marrëveshje, qoftë edhe huazimi.

Torino dëshiron ta largojë lojtarin, ndërsa drejtuesit e Frosinone synojnë t'i japin trajnerit Eusebio Di Francesco një profil eksperience si Berisha. Bisedimet janë duke u zhvilluar, por Berishës ndoshta do t'i duhet të shkurtojë pagën për të nisur një aventurë të re si titullar në Serie A.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça