EULEX arreston tre policë, ndër ta komandanti i njësisë speciale

Janë arrestuar tre pjesëtarë të Njësisë Speciale të Policisë së Kosovës, ndër ta edhe Bekim Suma, komandant i Njësisë Speciale të Policisë së Kosovës në Ferizaj., si të dyshuar për rastin e shpërthimit në lagjen “Dardania” në Prishtinë, saktësisht të lokalit “Sekiraça”, që ishte pronë e të shumë kërkuarit Enver Sekiraça.
Ata dyshuohen për rastin e shpërthimit në lagjen “Dardania” në Prishtinë, saktësisht të lokalit “Sekiraça”, që ishte pronë e të shumë kërkuarit Enver Sekiraça. 
Ky shpërthim ka ndodhur në shtator 2008, një vit pasi me 30 gusht 2007 në Prishtinë u vra Triumf Riza, edhe ai pjesëtar i Njësitit Special të Policisë.

Në nëntor 2009, Gjykata e Qarkut në Prishtinë, në lidhje me këtë shpërthim ku pati edhe viktima, dënoi me nga 25 vjet burg, Besnik Hasanin dhe Shpend Qerimin, edhe këta ish pjesëtarë të Njësisë Speciale, pëe vënie të eksplozivit në kafe bar “Sekiraça”, si shenjë hakmarrje për vrasjen e shokut të tyre, Triumf Riza.
/rg/shqiptarja.com/