EULEX: Në bandën shqiptare edhe një oficer i ROSU

EULEX-i ka ngritur aktakuzë kundër gjashtë të dyshuarve lidhur me një vjedhje që ka ndodhur në Barcelonë të Spanjës në korrik të vitit 2009, e që arrin vlerën e 1.3 milion eurove.
Në mesin e tyre është edhe një oficer i lartë i njësisë ROSU.

 Lajmin e ka konfirmuar edhe Gjykata e Qarkut në Prishtinë. Për veprën penale Vjedhje e rëndë, kontroll, posedim dhe përdorim të paautorizuar të armëve, akuzohen Haki Januzi, Artan Xhaferi-Jelliqi dhe Shemsedin Benarba. Ndërkaq, Afrim Ymeri, Abedin Beka dhe Saim Januzi, akuzohen për veprën penale të ofrimit të ndihmës pas kryerjes së kësaj vepre penale. Kurse katër persona të tjerë akuzohen për veprën penale të pranimit të mallrave të vjedhura.