POP 5

Lajmet më të lexuara të 5 minutave të fundit

Bota

EULEX-i ofron shpërblim për zbulimin e autorëve të vrasjes së pjesëtarit të këtij misioni më 2013 në Kosovë

Misioni i Bashkimit Evropian për sundimin e ligjit në Kosovë, tha se ofron një shpërblim prej mbi 80 mijë eurosh për këdo që ofron informata që mund të çojnë në ndriçimin e vrasjes së oficerit 35 vjeçar nga Lituania.

EULEX-i ofron shpërblim për zbulimin e autorëve të vrasjes së pjesëtarit të këtij misioni më 2013 në Kosovë

Misioni i Bashkimit Evropian për sundimin e ligjit në Kosovë, tha se ofron një shpërblim prej mbi 80 mijë eurosh për këdo që ofron informata që mund të çojnë në ndriçimin e vrasjes së pjesëtarit të këtij misioni Audrius Shenaviçius, shtatë vjet më parë.

Më 19 shtator të vitit 2013, në një fshat të rajonit të Zveçanit, në veriun e Kosovës të banuar me shumicë serbe, ishte shtënë me armë zjarri mbi dy makina të EULEX-it, me të cilat po udhëtonin gjashtë pjesëtarë të tij për në vendkalimin kufitar ndërmjet Kosovës dhe Serbisë, në Jarinë.

Nga plagët e marra në atë sulm, ende të pasqaruar, humbi jetën oficeri 35 vjeçar i doganave nga Lituania, Audrius Shenaviçius, i cili shërbente në EULEX që nga viti 2012.

Vrasja qe dënuar gjerësisht në Kosovë dhe nga institucionet ndërkombëtare.

Të shtunën EULEX-i tha se ofron një shpërblim prej 82 mijë eurosh për informata që mund të çojnë në arrestimin dhe dënimin e autorit apo autorëve të vrasjes.

Shefi i EULEX-it, Lars-Gunnar Wigemark, derisa vuri lule në vendin ku ishte vrarë pjesëtari i misionit të tij bëri thirrje për ndihmë në ndriçimin e vrasjes për hir të drejtësisë që siç tha, është e nevojshme “për familjen e viktimës, për të gjithë këtu në Kosovë, për rajonin, si dhe për Bashkimin Evropian”.

Vrasja e doganierit Senaviçius paraqet rastin e parë që një pjesëtar i EULEX-it humb jetën, që nga vendosja e tij në Kosovë pas shpalljes së pavarësisë së saj në shkurt të vitit 2008./VOA

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça