Është arritur marrëveshja
ndërmjet PAN-it dhe AKR-së?

Koalicioni PAN dhe Aleanca për Kosovën e Re e Behgjet Pacollit kanë rënë dakord për krijimin e institucioneve të reja. Sipas “Gazeta Expres”, Pacolli ka pranuar të bëhet pjesë e qeverisë së re, e cila pritet të drejtohet nga Ramush Haradinaj.

Siç duket negociatat që janë zhvilluar gjatë fundjavës që shkoi, kanë qenë vendimtare për këtë marrëveshje.

Javën e kaluar Kuvendi i Kosovës nuk arriti të zhbllokohet, pasi PAN ende nuk i kishte votat për Kryeparlamentarin.

Kjo nxiti debate të ashpra dhe përplasje, sidomos ndaj Vetëvendosjes dhe Partisë Demokratike të Kosovës.

Kreu i PDK-së Kadri Veseli në replikat e tij me Albin Kurtin në Kuvend, wshtw shprehur se do të hiqte dorë nga posti i Kryeparlamentarit nëse Kurti arrin të sigurojë 61 vota, aq sa duhen për zgjedhjen e kryeparlamentarit dhe formimin e institucioneve.

Kjo ka nxitur një proces tjetër bisedimesh po zhvillohet ndërmjet Vetëvendosjes dhe Lidhjes Demokratike të Kosovës, por nuk dihet se cilat janë shanset që këto dy palë të arrijnë, pasi nuk po hezitojnë të përplasen publikisht sidomos rreth çështjes së 70 dosjeve që Vetëvendosje i ka deponuar në Prokurori kundër Isa Mustafës/ Express.

Redaksia Online
J.Sh Shqiptarja.com