POP 5

Lajmet më të lexuara të 5 minutave të fundit

Sport

Euro 2020/ Mbyllet faza e grupeve! Gjermania kualifikohet me ankth, në 1/8 përballet me Anglinë, më tej edhe Franca me Portugalinë

Barazimi me shifrat 2-2 ka kualifikuar në fazën e 1/8 si Francën ashtu edhe Portugalinë. Një ndeshje ku Benzema dhe Ronaldo realizuan ‘dopietë’. Më tej ka kaluar edhe Gjermania që ka barazuar me vështirësi 2-2 kundër Hungarisë. Në fazën e 1/8 ‘panezerat’ do luajnë finalen e parakohshme kundër Anglisë në Uembley.

Faza e grupeve të Europianit është mbyllur me shumë emocione. Në frymën e fundit 1/8-ve i është bashkuar Gjermania, ndërsa po nga grupi F janë kualifikuar edhe Franca si e para që barazoi 2-2 me Portugalinë dhe po me të njëjtën rezultat u mbyll edhe Gjermani-Hungari.

Në Budapest Ronaldo kaloi në avantazh fillimisht Portugalinë, ndërsa përmbysja e Francës me ‘dopietën’ e Benzema-s futi në ankth luzitanët, të cilët për disa çaste ishin jashtë Europianit duke kombinuar edhe rezultatin e ndeshjes tjetër të grupit. Gjithsesi goli i dytë i realizuar po nga Ronaldo me penallti i dha qetësinë kampionëve në fuqi të Europës, të cilët u kualifikuan si skuadër e tretë. Në 1/8 të besuarit e Santos do përballen me Belgjikën të dielën në orën 21:00.

Me zemër në dorë është kualifikuar edhe Gjermania pavarësisht se në fund u rendit në vendin e dytë. Në ‘Allianz Arena’ Hungaria kaloi dy herë në avantazh, por pas barazimit të përkohshëm të Havertz ‘panzerat’ i nderoi Goretzka në minutën e 84, që vulosi edhe shifrat përfundimtare të sfidës në 2-2. Zhgënjim i madh për Hungarinë, që bëri një ndeshje spektakolare dhe i shkoi shumë afër kualifikimit, por në fund u rendit si e katërta në Grupin F.

Përsa i përket Gjermanisë në fazën e 1/8 ka peshkuar Anglinë, një sfidë e cila shumë mirë mund të konsiderohet edhe si finale e parakohshme. Kjo superpërballje është në axhendë të martën në Ëembley në orën 18:00.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Nuk hani mëngjes? Ja dëmet që i shkaktoni shëndetit tuaj duke shmangur këtë vakt të rëndësishëm

Nuk hani mëngjes? Ja dëmet që i shkaktoni shëndetit tuaj duke shmangur këtë vakt të rëndësishëm

24 Nëntor, 07:35