POP 5

Lajmet më të lexuara të 5 minutave të fundit

Sport

Euro 2024/ Portugalia përmbys 2-1 Çekinë në limite, Ronaldo dhe Pepe vendosin rekorde

Europiani "Gjermani 2024" ka mbyllur mbrëmjen e së martës ndeshjet e para në të gjitha grupet. Në atë F, Portugalia përmbysi 2-1 Çekinë në një ndeshje më shumë se të luftuar, me raste, gola dhe rekorde.

Euro 2024/ Portugalia përmbys 2-1 Çekinë në limite, Ronaldo dhe Pepe vendosin rekorde

Moment nga ndeshja

LEIPZIG - Europiani "Gjermani 2024" ka mbyllur mbrëmjen e së martës ndeshjet e para në të gjitha grupet. Në atë F, Portugalia përmbysi 2-1 Çekinë në një ndeshje më shumë se të luftuar, me raste, gola dhe rekorde.

Pjesa e parë e ndeshjes u mbyll 0-0, paçka se Portugalia dominoi dhe 45 minutat u zhvilluan vetëm në njërën anë të fushës. Kur askush nuk e priste, supergoli i Provod në minutën e 62 i dha epërsinë çekëve.

Kjo gjë "ndezi" ekipin e Martinez që shtoi presionin në sulm. Si pasojë e aksioneve të shpeshta, Portugalia detyroi Hranac që në minutën e 69 të shënonte në portën e tij, për barazimin 1-1.

Duhej minuta e dytë shtesë që i sapofuturi Conceicao të shënonte golin e dytë dhe të përmbysjes te Portugalia, me "Luzitanët" që marrin tri pikë dhe barazojnë Turqinë në krye të Grupit F. Nga ana e saj Turqia mundi 3-1 Gjeorgjinë.

Në përballjen e Leipzigut Cristiano Ronaldo u bë lojtari i vetëm që ka luajtur në gjashtë Kampionate Evropiane, ndërsa Pepe lojtari më i vjetër që luan në Euro në moshën 41 vjeç e 113 ditë.

Renditja e Grupit F

Formacionet zyrtare:

Portugalia: Diogo Costa, Ruben Dias, Pepe, Nuno Mendes, Dalot, Bruno Fernandes, Vitinha, Cancelo, Bernardo Silva, Rafael Leao, Ronaldo.

Çekia: Stanek; Holes, Hranac, Krejcí; Coufal, Soucek, Provod, Sulc, Doudera; Kuchta, Schick.

KLIKO për të parë renditjen në të gjitha grupet e Euro 2024 pas ndeshjeve të para

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Mero Baze: Gjunjëzimi i PD para 'Kandidatit për Kryeministër'

Mero Baze: Gjunjëzimi i PD para 'Kandidatit për Kryeministër'

5 Shkurt, 23:02 nga Mero Baze