POP 5

Lajmet më të lexuara të 5 minutave të fundit

Ekonomi

Euro, në nivelin më të
ulët në 23 muaj ndaj lekut

Në tregun valutor të Tiranës valuta e përbashkët evropiane ka shënuar nivelin më të ulët në këmbim me lekun, duke rënë nën kuotën e 137 lekëve për një euro.
Euro, në nivelin më të <br />ulët në 23 muaj ndaj lekut
Në tregun valutor të Tiranës valuta e përbashkët evropiane ka shënuar nivelin më të ulët në këmbim me lekun, duke rënë nën kuotën e 137 lekëve për një euro. Një nivel i tillë nuk është shënuar në treg që nga gushti i vitit 2010, pra 23 muaj më parë.

Sipas shifrave zyrtare të përditshme të Bankës së Shqipërisë, në mesditë euro është këmbyer mesatarisht me 136.83 lekë. Ndërkohë, dollari është këmbyer me 111.42 lekë, duke u rivlerësuar 0.18 lekë më shumë krahasuar me një ditë më parë.

Këto lëvizje pasqyrojnë edhe ndryshimet e fundit në tregjet botërore, që karakterizohen nga dobësim gradual, por i pandalshëm, i vlerës së euros. Euro ka rënë në nivelin më të ulët 2-vjeçar kundrejt dollarit dhe pritet vazhdim i rënies pasi ministrat e eurozonës nuk arritën të qetësojnë panikun për krizën e borxhit, ndërsa investitorët presin ende një verdikt të gjykatës gjermane mbi fondin e shpëtimit të rajonit.

Monedha e përbashkët e eurozonës ndodhet nën nivelin e 1.2250 dollarëve, duke rrëshqitur drejt një kuote prej 1.20 dollarësh për një euro. Në rast se rënia vazhdon, rrezikohen kuota që nuk konstatoheshin që prej qershorit të vitit 2010, kur euro ndodhej në nivelin 1.1875 dollarë.

(gk/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Halaand humb shënjestrën, 2 gola në 7 ndeshje! Vuan nga ‘mallkimi’ i Artetës

Halaand humb shënjestrën, 2 gola në 7 ndeshje! Vuan nga ‘mallkimi’ i Artetës

25 Nëntor, 12:45