Europa Donna Albania,në takimin
e organizatave ballkanike të kancerit 

Është organizuar takimi i parë i Organizatave të Kancerit të Gjirit në Ballkan dhe Shqipëria përfaqësohej nga shoqata “Europa Donna Albania”.

Organizatat që mbrojnë dhe përfaqësojnë interesin e pacientëve me kancer gjiri kanë zhvilluar një takim në Lubjanë të Sllovenisë në datat 25 dhe 26 gusht.
Ky takim kishte si qëllim angazhimin e organizatave dhe shkëmbimin e përvojave e praktikave më të mira në fusha të ndryshme të veprimtarisë së shoqatave, për të rritur ndërgjegjësimin e kancerit të gjirit.

Në këtë takim morën pjesë Shqipëria, Maqedonia, Serbia, Kroacia dhe Sllovenia.

Takimi nisi me prezantimin e organizatave, çështjet aktuale me të cilat përballen në vendin e tyre dhe rishikimin e projekteve të suksesshme dhe shkëmbimin e ideve, ku Shqipëria përfaqësohej nga shoqata “Europa Donna Albania”.

Donjeta Zeqa, drejtoreshe ekzekutive e shoqatës “Europa Donna Albania” gjatë prezantimit të saj tregoi për shifrat alarmante të pacientëve të prekur me kancer.

Zeqa gjithashtu evidentoi problemet që ka Shqipëria në Shërbimin Onkologjik, që nga mungesa e medikamenteve dhe shumë probleme të tjera që ka ky shërbim.

Ky takim kishte si objektiv vazhdimësinë e lidhjeve mes këtyre organizatave si dhe Synimi dhe forcimin e tyre të shoqërisë civile në ngritjen e vetëdijes për kancerin e gjirit.

“Kur flitet për kancerin e gjirit, në botë 70% e të prekurve kanë shanse për t’i mbijetuar sëmundjes në rast se diagnostikohen në fazë të hershme. Kjo tregon se sa rëndësi ka informacioni për këtë sëmundje. Të jetosh me sëmundjen e kancerit nuk është një fjalë goje. mendoj se çdokush ka provuar të shkojë një herë në spitalet shqiptare. Thjesht, ata me kancer kalojnë një periudhë më të vështirë se aq”, ka thënë Donjta Zeqa për “Shqiptarja.com”.









Redaksia Online
(F.T/shqiptarja.com)