Shqipëria U-21 ka rënë në grupin e ferrit në fushatën kualifikuese të kampionatit Europian për 21-vjeçarët, që do të zhvillohet në vitin 2015.

Kuqezinjtë e vegjël do të përballen me bashkëmoshatarët e tyre spanjoll kampion në fuqi. Shorti që është hedhur në Nyon të Zvicrës e ka vendosur Shqipërinë U-21 në grupin e 4-të eleminator së bashku me Spanjën, Austrinë, Hungarinë dhe Bosnje-Hercegovinën.

Sipas përfaqësuesit të Federatës Shqiptare të Futbollit në short Redi Jupi midis skuadrave ka diskutime të gjatë për vendosjen e datave të zhvillimit të ndeshjeve sepse pothuajse të gjithë dëshironin takimin e parë në fushën e tyre.

Kombëtarja Shpresa e drejtuar nga Skënder Gega do të zhvillojë një miqësore në Laç ndaj Maqedonisë më 6 shkurt.

(ak/eç/shqiptarja.com)