POP 5

Lajmet më të lexuara të 5 minutave të fundit

Ekonomi

Eurostat: Shqiptarët me
të ardhurat më të pakta

Pavarësisht se INSTAT pakësoi numrin e shqiptarëve dhe pavarësisht rritjes së paga-pensioneve, vendi mbetet në fund të listës së të ardhurave për frymë të popullsisë, duke kaluar vetëm Bosnje-Hercegovinën.
Eurostat: Shqiptarët me<br />të ardhurat më të pakta
TIRANE - Pavarësisht nga përpjekjet qeveritare, me rritje të përvitshme të pagave e pensioneve, niveli i të ardhurave për frymë të popullsisë në Shqipëri vazhdon të mbetet në fund të Evropës.

Statistikat evropiane Eurostat kanë publikuar së fundmi të dhënat e reja për krahasimin e të ardhurave për frymë për Europën, të matura sipas metodës së fuqisë blerëse (Purchasing Power Parity-PPP) për vitin 2012, ku si referencë merret mesatarja e 27 vendeve të Bashkimit Europian.

Shqipëria renditet e dyta nga fundi, përsa i përket nivelit të të ardhurave mesatare për frymë të popullsisë, në raport me mesataren e 27 vendeve të Bashkimit Evropian, me një shifër të barabartë me vetëm 30 për qind të tyre, nivel ky që ka mbetur i pandryshueshëm në krahasim me 2011-n.

Një gjë e tillë nënkupton se Shqipëria nuk ka bërë asnjë hap para në procesin e konvergjencës (rritja më e shpejtë e vendeve në zhvillim në raport me ato të zhvilluara për të kapur nivelet e këtyre të fundit).

Në vendin e fundit pas nesh renditet Bosnjë-Hercegovina, ku banorët e saj arrijnë të sigurojnë të ardhura mesatarisht që janë të barabarta me vetëm 28 për qind të nivelit të të të ardhurave gjithnjë sipas metodës së fuqisë blerëse, në raport me mesataren e 27 vendeve të BE-së.

Për Maqedoninë, ky tregues është 35%; po kaq është edhe për Serbinë, ndërkohë që për Malin e Zi ky tregues është sa 42% e të ardhurave mesatare evropiane dhe për Kroacinë 61%.
Shteti më i pasur në Evropë është Luksemburgu, me 272% të mesatares BE-27, i ndjekur nga vendet nordike. Në rast se INSTAT-i nuk do të kishte zvogëluar shumë numrin e popullsisë shqiptare vitin e kaluar, Shqipëria do të renditej e fundit në këtë tregues të nivelit të jetesës.

Shkrimi u botua sot në gazetën Shqiptarja.com (print) 22.06.2013
 
Redaksia Online
(b.m/shqiptarja.com)

  • Sondazhi i ditës:
    26 Nëntor, 23:23

    A po japin rezultat protestat e PD-së?

Lajme të tjera



×

Lajmi i fundit

Kosovë/ Stacioni policor në Zveçan sulmohet me dy granata dore

Kosovë/ Stacioni policor në Zveçan sulmohet me dy granata dore

27 Nëntor, 10:50