ZVICËR - Një gjarpër që ishte futur në një tren të linjës Bern-Bazel shkaktoi rrëmujë në bord duke bërë që të evakuoheshin 450 pasagjerë.

Të gjithë pasagjerët u alarmuan kur mësuan se në tren ishte një gjarpër 50 centimetra jo helmues. "Të gjithë pasagjerët në tren u evakuuan", tha zëdhënësja e kompanisë hekurudhore.

Treni u detyrua që të mos nisej në orarin e destinuar për shkak se kaosi i krijuar në mesin e pasagjerëve ishte shumë i madh. Kjo ndodhi kur një pasagjer po hipte në tren dhe rrëshkiti kur shkeli mbi gjarprin.

Policia ndërhyri për të hequr gjarprin dhe për të kontrolluar në rast se në tren kishte ndonjë kafshë tjetër.

Pasi gjithçka ishte në rregull dhe nuk kishte vend për panik, treni udhëtoi për në destinacion.

(v.gj/shqiptarja.com)