Everton dhe Arsenal përballen mesditën e së shtunës në orën 13:30 për raundin e 31-të në Premier Leaguen angleze të futbollit. Nga "Goddison Park" trajneri i Everton, David Moyes ka folur edhe për cilësitë e Armando Brojës.

Sulmuesi i Kombëtares ka lënë pas lëndimin dhe duket se do marrë më shumë se 11 minuta sot, pasi aq luajti raundin e kaluar. Moyes çmon cilësitë e 23-vjeçarit dhe duket se Armando mund të jetë në fushë nga minuta e parë në vijimin e sezonit.

“Armando Broja? Unë mendoj se ai ka disa cilësi vërtet të mira, ai ka aftësi, ndonjëherë mund të mbajë topin, ai mund të qëndrojë me top në këmbë dhe të na japë mundësi të dalim para. Ai gjithashtu ka shpejtësi. Unë mendoj se ne duhet të përpiqemi t'i japim atij një mundësi për të parë se çfarë mund të bëjë", tha Moyes.

I huazuar nga Chelsea, Broja u bashkua me Everton në fillimin e sezonit dhe kishte një dëmtim. Pas riaftësimit dhe formës së mirë, Broja u lëndua sërish më 9 janar dhe tanimë duket se po merr minuta duke u ftuar edhe në Kombëtare, aty ku luajti kundër Anglisë dhe Andorrës.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Dhjetor, 10:22

    Klodian Braho merr zyrtarisht detyrën, prisni ndryshim në punën e SPAK?

Lajme të tjera