Fëmijët dhe të moshuarit këshillat
për t’u mbrojtur temperaturat e larta

Temperaturat e larta sjellin probleme për një sërë kategorish të caktuara, si fëmijët, të moshuarit, apo ata që punojnë gjatë gjithë ditës në diell. Për të patur kujdes ndaj temperaturave ekspertët e Institutit të Shëndetit Publik kanë publikuar disa këshilla për të gjitha moshat. “Evitoni nëse është e mundur daljet nga shtëpia në orët e nxehta të ditës,11.00 – 17.00 Rregulla të thjeshta, por të nevojshme për të gjithë.

Vishuni lehtë, me veshje pambuku, me rroba të gjëra, dhe ngjyra te hapura, si në shtëpi edhe kur dilni nga shtëpia. Mbani në kokë kapele, çadër dhe syze kur dilni jashtë. Mbani shtëpinë sa më të freskët. Hapni dritaret herët në mëngjes dhe në mbrëmje vonë. Mbani mbyllur dritaret gjatë ditës. Temperaturat në shtëpi duhen mbajtur deri në 25-27 ° dhe asnjëherë jo më shumë se 5-6° më pak se ambienti jashtë.