Fal Internetit gjaku i shqiptarit është bërë ujë. Nuk ka më Besë, duele, flijim të jetës për Dashuri, Fe, Atdhè.
Fal Internetit, "Shqiptari i Vitit" u shpall Kaçarrum Kaçamaku nga Takapi Komuna e Sumës, ndërsa "Shqiptari i Shekullit" u proklamua ai që e meriton, Loqemadh Katunari nga Tarrasi, Komuna e Stërlëngut, Prefektura e Hiçit.
Fal Internetit, ajo që do duhej të ishte shtylla e shoqërisë, mikroborgjezia jonë, më së fundi ekziston, por është më e fëlliqura në fytyrë të dheut; Ca parazitë e ca hajdutë, ca bajga që hiqen për aristokratë e ca pëgërje që mbahen për elitë.
Fal internetit, shqiptar i shquar mund të jetë çdo hajdut që ngre një flamur dhe çdo budalla që bën hatanë me 1 rrjesht e gjysëm në fejsbuk.
Fal Internetit, çdo halabak është më i rëndësishëm dhe më i lavdishëm se një krahinë e tërë që nuk prodhon lajme me vrasje por vetëm grurë, misër, mish, qumësht.
Fal Internetit janë shtuar frikshëm ca budallaqe në kërkim të burrit që fotografojnë surratin e vet në dhjetra mënyra, shkruajnë vargje për të vjellë, sajojnë maksima me t'i sjell zorrët në fyt, nxjerrin piktura me sorkadhe të përlotura, përrua që rrjedh, liqen, pulëbardha, lejlekë, hënë e zbehtë në horizont.
Fal Internetit, shitësi i bulmetit, kasapi, marangozi, katundarja që sjell qumështin, dhe cilido llapaqen kafeneje, është pakrahasimisht më i rëndësishëm se çdo shqiptar gjithë jetën krrusur mbi libra, shkolluar nëpër universitete dhe akademira.
Fal Internetit shqiptarët Lirinë nuk e pranojnë si zgjerim, por si ngushtim, si hall, si siklet, si burg.
Fal Internetit shqiptarët nuk po e kuptojnë se po të shpërdorohet, Liria jo vetëm paksohet, por edhe zhduket.
Komente
Lajme të tjera
-
Edison Ypi: Paret e vjedhura
18 Nëntor, 15:37
-
Edison Ypi: Stalin Kurti ftohu motin
13 Nëntor, 14:15
-
Edison Ypi: Një kurvar për President
7 Nëntor, 14:49
-
Edison Ypi: Versioni më i mirë i vetes
3 Nëntor, 15:37
-
Edison Ypi: Mish Gjyshit
31 Tetor, 15:03
-
Edison Ypi: Tavlla centrifugale
27 Tetor, 13:21
-
Edison Ypi: PD sot
24 Tetor, 12:09
-
Edison Ypi: Tas i xanun
22 Tetor, 14:04
-
Edison Ypi: Kocka dhe Legena
17 Tetor, 13:24
-
Edison Ypi: Tetë 10 vjet Sali
15 Tetor, 15:16
-
Edison Ypi: Partiza arkivole
14 Tetor, 12:09
-
Edison Ypi: Fevzo Varkari
8 Tetor, 11:11
Fal internetit, te gjitha kafshet po behen aq te dashura dhe me vlere duke i zevendesuar gjithnje e me teper mjeranet dykembesh, qe jane bere si nje kanister e kalbur mbushur me rraqurina tere myk...
Përgjigju