POP 5

Lajmet më të lexuara të 5 minutave të fundit

Ekonomi

Falimenton firma e Fahri Balliut
"Alpine Bau" operonte prej 2007

Shqiptarja.com publikon sot listën ekskluzive me 164 firma të falimentuara nga Drejtoria Tatimore. Ndër to austriakja Alpine Bau, e cila, në sajë të lidhjeve me botuesin mori 3 projekte të mëdha. (Foto: Faksimile e regjistrimit në QKR të kompanisë Alpine Bau (djathtas) Balliu)
Kur shpallet për faliment të detyruar një kompani?
Falimenton firma e Fahri Balliut<br />
TIRANE - Alpine Bau, kompania e ndërtimit nga Austria, që arriti në pak kohë, pas ardhjes në pushtet të qeverisë Berisha, të “marrë” tre projekte të mëdha në infrastrukturë, tashmë ka kaluar në faliment të detyruar, pas ftohjes me “protektorin” e saj, botuesin e “55”-ës, Fahri Balliu. (Foto: Faksimile e regjistrimit në QKR të kompanisë Alpine Bau (djathtas) Fahri Balliu)

Kompania, e krijuar në korrik 2007 si filiale në Shqipëri e subjektit me qendër në Austri, ka arritur, falë Balliut, të fitojë tenderët për ndërtimin e mbikalimit të Kamzës, segmentit Levan-Vlorë dhe atij Levan-Damës. Që në krijim të kompanisë, administratore në Tiranë ka qenë kunata e botuesit Balliu, Blegina Agolli, e cila, ndërkohë punonte, në shkelje të ligjit, edhe si sekretare e përgjithshme e ministrisë së Kulturës, Turizmit, Rinisë e Sporteve.

Kohët e fundit, sipas burimeve nga Tatimet, të dy palët janë “prishur” dhe tashmë firma administrohet nga dy bashkëadministratorë austriakë: Hitzler dhe Deppe, që janë emëruar në 18 shkurt të këtij viti me mandat 5-vjeçar. Firma austriake “Alpine Mayreder BauGmbH” i është nënshtruar një procesi gjyqësor në Gjermani, ku, në vitin 2001, rezulton të ketë kryer veprën e dhënies së ryshfetit për të fituar një tender publik.

Në shtypin gjerman është bërë e ditur se ing. Dietmar Aluta-Oltyan, një nga pronarët e kompanisë, i ka dhënë për të fituar këtë tender, shumën prej 5.5 milionë markash, të barabartë me 2.8 milionë euro aktualisht, ish-administratorit të stadiumit “Allianz Arena” të Mynihut, ku u zhvillua ceremonia e hapjes së kampionatit botëror “Gjermania 2006”.

Në bazë të fakteve të paraqitura para trupit gjykues, Dhoma e 4-t e Këshillit Gjyqësor të Mynihut-1 ka vendosur më 13 maj 2006 që të shpallë fajtor për mitëmarrje ish-administratorin e stadiumit, duke e dënuar me 4 vjet e gjysmë burgim; administratorin e kompanisë “Alpine”, Aluta-Oltyan, duke e dënuar me dy vjet burgim me kusht dhe 1.8 milionë euro gjobë; si dhe drejtorin financiar të kësaj kompanie me 10 muaj burgim.

Shkrimi u botua në gazetën Shqiptarja.com (print) 24.03.2013

Redaksia Online
(b.m/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Rita Ora feston ditëlindjen, sa vjeç bën artistja me famë botërore

Rita Ora feston ditëlindjen, sa vjeç bën artistja me famë botërore

26 Nëntor, 19:22