POP 5

Lajmet më të lexuara të 5 minutave të fundit

Kronikë

Kishte fshehur vjedhjen në një supermarket/ Prokuroria kërkon 1 vit e 6 muaj burg për ish-gjyqtarin

Prokuroria e Tiranës kërkoi dënimin e Admir Thanzës si fajtor për falsifikimin e formularit të dekriminalizimit dhe përgjegjës për cënimin e besimit të publikut tek drejtësia.

Prokuroria e Tiranës kërkon dënim me 18 muaj burg për Admir Thanzën, ish-gjyqtarin e lartë, kushtetues dhe anëtarin e KLD-së ndër vite.

Prokurori Gentian Habazaj në pretencën e tij një kopje të së cilës e ka siguruar Report TV, shprehet se Thanza me ndërgjegje fshehu dënimin e dhënë nga drejtësia italiane në vitin 1999.

E për pasojë një ish-gjyqtar i Lartë sipas prokurorit Habazaj cënoi rëndë besimin e publikut tek sistemi i drejtësisë me këtë veprim që duhet shlyer me dënimin e Thanzës.

Në seancën e kësaj të premte Thanza s'ishte i pranishëm pasi kishte kërkuar shtyrje me argumentin se ndodhej në Turqi duke shoqëruar të birin futbollist, por kjo kërkesë e tij u rrëzua.

Ishte procesi i vettingut dhe operacioni ndërkombëtar i monitorimit që u zbulua se Admir Thanza prej 19 vitesh fshihte një dënim të dhënë nga drejtësia italiane në vitin 1999 me akuzën e vjedhjes së sendeve dhe produkteve kozmetike në një supermarket në zonën e Pescarës.

Kjo gjetje e ONM-së bëri që më 17 korrik 2018 komisioni i pavarur i kualifikimit ta shkarkonte Thanzën nga detyra duke e nxjerrë jashtë sistemit.

Admir Thanza ankimoi vendimin, por edhe në kolegjin e posacëm të apelimit shkarkimi i tij u la në fuqi.

Kjo pretencë e Prokurorisë së Tiranës erdhi pas hetimit të nisur kryesisht prej saj dhe letërporosisë të mbërritur nga Italia ku u faktua gjetja e ONM-së për dënimin e dhënë nga drejtësia italiane.

Më 31 maj gjyqtari Ardian Kalia do të dëgjojë pretendimet e Thanzës dhe avokatit të tij, ndërsa pritet që më pas të shpallet vendimi.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Rama pret rabinin izraelit në Vlorë: Së shpejti nisim punën për ndërtimin e muzeut hebraik

Rama pret rabinin izraelit në Vlorë: Së shpejti nisim punën për ndërtimin e muzeut hebraik

6 Janar, 23:10