Tre persona janë arrestuar nga policia e Durrësit nën akuzën se kanë përvetësuar 5000 m² tokë të një qytetari, duke e regjistruar në hipotekë si pronë të tyren.
Në pranga kanë rënë ish jurisiti i hipotekës së Durrësit, Artur Isaku 60 vjeç, Faik Ibrahimi 72 vjeç dhe Zyber Dema 68 vjeç. Arrestimi i tre personave vjen pa një hetimi disa mujor të bërë nga policia në bashkëpunim me prokurorinë e Durrësit.
Faik Ibrahimi dhe Zyber Dema të dy banues në Durrës në bashkëpunim me Artur Isakun i cili në kohën e shkeljes së bërë, mbante postin e juristit në hipotekë, kanë kryer falsifikimin e dokumentave për të përvetësuar tokën prej 5000 metrash katrorë të një qytetari, identiteti i të cilit ende nuk bëhet me dije.
Ndaj të arrestuarve është gjykata e Rrethit Gjyqësor, Durrës ka caktuar masën e sigurisë së arrestit me burg. Akuzat që rëndojnë ndaj tyre janë “Shpërdorimi i detyrës” dhe “Falsifikimi i dokumenteve”, kryer në bashkëpunim.
Ndërkohë hetimet po vijojnë për të përcaktuar personat e tjerë të cilët mund të jenë të përfshirë në këtë veprimtari kriminale.