FIER- Familja 7 anëtarëshe Kalaja në Fshatin Shën Pjetër në Fier, jeton në kushte çnjerëzore.
 
Banesa në të cilën jeton kjo familje është e ndërtuar me baltë dhe është më shumë se 40-vjeçare, ajo tashmë thuajse është e rrënuar.
 
Kjo familje prej kohësh nuk ka as energji elektrike pasi OSHEE ia ka shkëputur prej kohësh.
 
I gjendur në këtë situatë kryefamiljari Harilla Kalaja kërkon ndihmën e shtetit të paktën t’i mundësohet lidhja e energjisë elektrike, pasi fëmijët e tij 6, 9 dhe 12 vjeç nuk arrijnë të bëjnë edhe ato pak mësime që ata marrin nga shkolla.
 
Kryefamiljari thotë se faturat i vinin afrofe me një vlerë prej 700 mijë lekësh të vjetra, ai thotë se nuk ka fabrikë për një konsum të tillë. Kalaja shprehet se shtëpija e tij ka vetëm një llampë.
 
Me e vjetra e shtepisë zonja Lena Kalaja tregon se është familje dëshmorësh, dikur vinin fëmijet e shkollave çdo pesë maji vinin me tufa lulesh kurse sot i kanë harruar të gjithë.

‘’Baballarët tanë kanë luftuar, për çdo 5 maj më vinë nxënësit e shkollës, më dhurojnë lule se është me lapidar. Sot ne rrimë pa drita’’,-u shpreh Kalaja.
 
‘’Shumë varfëri e madhe, mos pyet më. Asnjë lloj të ardhure, asnjë asistencë. Ai thotë nën stop dua lekët e dritave. Vjet për shelbmull doli Vjosa dhe na i mori edhe dy bagëtitë që kishim. Nuk morëm asnjë dëmshpërblim’’,-u shpreh kryefamiljari. 

 E moshuara thotë se jetesa qenka e vështirë pa drita, pa ngrënë dhe pa asnjë të ardhur.
 
Sikur të mos mjaftonte fati i keq për këtë familjen vitin e kaluar dalja nga shtrati i lumit Vjosa shkaktoi dëme të mëdha, pasi edhe ato pak bagëti që kishin iu ngordhën.

Redaksia Online
XH.K/Shqiptarja.com