Fati i Berishës, avokatët debat në ‘Repolitix’, Petraj: Me këtë kërkesë të SPAK i lejohet komunikimi në facebook! Karaj: E shoh si burgosje në shtëpi, më keq se në qeli

Kërkesa e SPAK për masë sigurie arrest në burg për Sali Berishën pasi nuk respektoi detyrimin e paraqitjes për ish-deputetin Arben Meçe është lehtësim. Nëse do të kishte qenë jashtë shtetit e të kishte refuzuar masën e sigurisë, Meçe i ftuar në Repolitix” në Report Tv tha se do e kishin marrë prej leckash

“Janë dy nene që zbërthejnë të gjithë këtë që po bën SPAK. Shyqyr që ramë dakord të gjithë që Berisha ka të regjistruar një çështje penale dhe kur regjistrohet një çështje penale që në momentin e parë regjistrohet vepra penale. Berisha kishte vetëm një detyrim të vinte të paraqitej dhe të pyetej. Kur u regjistrua çështja penale ishte detyrë e tij të shkonte në SPAK dhe të sqaronte rrethanat për të cilat ishte në hetim. Berisha ka dale nëpër konferenca për shtyp me dokumenta duke thënë se ka falsifikuar. SPAK i ka kërkuar që ti fusë në dosje këto dokumente me avokatët. Nuk ke pse provat ti nxjerrësh kështu.

Janë katër konferenca që politizuan çështjen. Çoi provat në prokurori s’ke pse del ti thuash popullit. Berisha refuzon një vendim gjyqësor. Të guxojë një qytetar ta bëjë. Ka urdhër arresti direk. Berisha është i lehtësuar shumë. Se të refuzon një vendim gjykate jashtë të marrin për leckash. Sipas nenit 237 kur të refuzohet një vendim gjyqësor automatikisht kalon në masë tjetër sigurie. Kjo masë nuk është penalitet i ri por sipas kodit.”

“ Të ngre zgupthi”, shtoi avokati Edmond Petraj.

"Shumë procedura të bëra nga Berisha që janë fjasko juridike që nuk ka avokat t’i justifikojë janë thjesht mendja e tij dhe të argumentuara sikur e bëjnë avokatët. Ky është Berisha. Është Berisha që i merr vendimet. Janë disa vendimmarrje që janë gafa politike. Kur Berisha është implikuar me gjyqtaren ka pasur një atribut kushtetues ligjor. Kryetar i trupës së madhe të emërimit të gjyqtarëve. A e dini ju se të gjithë gjyqtarët pa përjashtim që i përkasin periudhës kur Berisha ka qenë president të gjithë kanë firmën e Berishës sepse kështu ishte procedura. Nesër vuloset vula që do marrë Luli. Në atë miting duhet të jetë Berisha. Që do të thotë se Berisha është në shtëpi. Basha do marrë vulën dhe pastaj do marrë shqupin. Kjo është logjikë jo skenar. Sot zyrtarisht Luli është pronar i SHUP-it. Ndërkohë Luli duke qenë kryetar i partisë zyrtare gjykata nuk njeh asnjë tjetër përveç Lulit. Zyrtarisht Luli është kryetar. Nesër selinë do ta gëzojë Basha. Selinë e PD nga nesër e gëzon Basha", tha Meçe.

Avokati Leonard Karaj i ftuar në emisionin “Repolitix” në Report Tv me Denis Mingën ka folur për skenarët që mund të ndodhin ditën e nesërme në rast se GJKKO pranon kërkesën e SPAK për masë sigurie "arrest shtëpie” për Sali Berishën.

“Kur të vendoset masa, nëse do jetë masë me ekzekutim të menjëhershëm por nëse nuk është me ekzekutim të menjëhershëm e apelon. Nëse është me ekzekutim të menjëhershëm dhe nuk gjendet në banesë Berisha kur të jepen vendimi ai do shoqërohet menjëherë. Në rast se Berisha bën rezistencë mund ta shihni dhe me pranga.”

Nëse Gjykata nesër do të pranojë kërkesën e SPAK për të caktuar masë sigurie arrest shtëpie për Sali Berishën, avokati Edmond Petraj në emisionin “Repolitix” në Report TV tha se ai s’ka shanse ta shkelë më ligjin.  Kurse Avokati Leonard Karaj ndalur te kërkesa e SPAK shtoi se kërkohet që të ruhet me polic te dera e shtëpisë për faktin se duke njohur natyrën e Berishës ai mund ta shkelë sërish masën e sigurisë.

Karaj: Berishën duan në mënyrë absolute që ta nxjerrin nga skena politike. Kjo histori ka nisur që para 3 ose katër muajsh për ta nxjerrë nga skena politike. Ata me rrezikshmëri të lartë shkojnë në burg nuk u rri polici te dera. I çojnë policë te dera sepse Berisha për karakterin që ka mund të shkelë sërish masën. Pastaj çfarë do i bësh Berishës do e çosh në burg? Se çon dot? Sepse është 75 vjeç

Petraj: S’ka shanse ta shkelë ligjin Berisha nga dita e nesërme. Berisha e politizoi vetë çështjen. Këtu kemi akuzë të drjetpërdrejt për Berishën ai e kanalizoi vetë në politike.

Petraj: Berishën nuk e llogarit njeri, është 75 vjeç. S’ka lidhje Amerika. Ça ofron Berisha në Shqipëri? Kam qenë 22 vjeç kur Berisha u bë kryetar i PD. Këtu është gabimi që po politizohet situata dhe që e kemi të keqen matanë oqeanit. Amerika përveçse çelësin e pjesës gjeostrategjike të garantoj se nuk ndërhyn fare.

Karaj: Ti sikur je Zeusi... Çfarë garanton?

Petraj: Kur fillon procedimi kur ngrihet akuza, organi i akuzës merr masat e veta për personin përkatës. Ça lidhje ka Amerika?! Unë ta garantoj, Berisha nëse do kishte vajtur për të respektuar vendimin e masës së sigurisë detyrim paraqitje do kishte respektuar vendimin e gjykatës do kishte fituar 100 herë më shumë pikë.

Karaj: Jam dakord këtu... por jo se s’ka dorë Amerika