POP 5

Lajmet më të lexuara të 5 minutave të fundit

Kronikë

Favorizuan biznesmenin për të hequr barrierat për të hapur rrugë për në karburantin e tij/ Gjykata e Durrësit liron zyrtarët e ARRSH-së

“Detyrim paraqitje” ka dhëne gjykata e Durrësit për tre të arrestuarit Rezart Arkaxhiu, 36 vjeç ndërtues dhe Astrit Zenelaj, 56 vjeç,  drejtor i drejtorisë ARSH-se si dhe Dhurata Lazaj 55 vjeçe inxhiniere pranë së njëjtës drejtori. Masa e sigurisë u zhvillua me dyer të mbyllura pa praninë e medias.

TIRANË-Gjykata e Durrësit lë të lirë zyrtarët e Autoritetit Rrugor Shqiptar që favorizuan biznesmenin, Mustafa Koka (në kërkim) për të hequr barrierat për të hapur rrugë për në karburantin e tij.

“Detyrim paraqitje” ka caktuar gjyqtari Petraq Çurri për tre të arrestuarit Rezart Arkaxhiu, 36 vjeç ndërtues dhe Astrit Zenelaj, 56 vjeç,  drejtor i drejtorisë ARSH-se si dhe Dhurata Lazaj 55 vjeçe inxhiniere pranë së njëjtës drejtori. Masa e sigurisë u zhvillua me dyer të mbyllura pa praninë e medias.

Ndërkaq me herët gjatë vlerësimit dhe caktimit të masës së sigurisë  5 nga 6 të arrestuarit e policisë u lanë të lirë me ‘detyrim paraqitjeje’, ndërsa njëri nga inxhinierët u la në masën e sigurisë “Arrest shtëpie”.

Operacioni për arrestimin  zyrtareve nisi një javë më parë ku prokuroria e Durrësit kërkoi ekzekutimin e urdhër ndalimeve për 9 persona, 7 prej të cilëve inxhinierë dhe zyrtarë të lartë të Autoritetit Rrugor dhe 2 ndërtues. Funksionarët dhe specialistët publikë akuzohen për “shpërdorim detyre”,  “dhënie ndihme për ndërtim të paligjshëm”.

Ndërtimi i një karburanti në aksion rrugor “Plepa-Kavajës” dhe miratimi i një leje për hyrje-dalje në rrugën kryesore, solli arrestimin e tyre, të cilët më pas me vendim gjykate u lanë në detyrim paraqitje. Mustafa Koka, sipas burimeve të policisë është ndërtuesi i karburantit në rrugën kombëtare që lidh zonën e Plepave me Kavajë. Burimet thanë se për këtë karburant ai është shpronësuar me mbi 200 milion lekë të vjetra nga ARRSH, pasi sipërfaqen e truallit dhe karburantit ia kapte plani për zgjerimin e rrugës. Por nëpërmjet dokumenteve të falsifikuara, Mustafa Koka, dhe me ndihmën e zyrtarëve të ARRSH-së, ai ka prishur barrierën mbajtëse të rrugës, duke krijuar hyrje-dalje në rrugën kryesore të paligjshme.

Ky veprim është kryer me argumentin se sipërfaqja e tokës ku është ndërtuar rruga, vijonte të ishte e biznesmenit Mustafa Koka, kur në fakt nga verifikimi i dokumentacionit, ky i fundit rezultonte të ishte shpronësuar nga ARRSH-ja, disa vite më parë. Prishja e barrierës së rrugës nga biznesmeni Koka, është kryer pasi disa metra më larg ai ka ndërtuar një karburant tjetër.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

2 Nëntor, 17:15