POP 5

Lajmet më të lexuara të 5 minutave të fundit

Ekonomi

Fazliç fiton tenderin e energjisë
Firma kërkoi linjën e Kosovës

Qeveria i ka akorduar kompanisë nga Bosnja Energoinvest tenderin e ndërtimit të linjës së re elektrike 110 kV në jug të vendit (Unaza e Jugut). Këtij subjekti ajo u përpoq t'i jepte edhe ndërtimin e interkonjeksionit drejt Kosovës.
Fazliç fiton tenderin e energjisë <br />Firma kërkoi linjën e Kosovës
TIRANE - Sipas portalit boshnjak të lajmeve ekonomike "Ekapija", kompania e montimit të linjave elektrike Energoinvest nga ky vend ka fituar tenderin, e shpallur nga qeveria shqiptare, për ndërtimin e Unazës së Jugut në vendin tonë. Portali citon drejtorin e përgjithshëm të kësaj kompanie, Enes Çengiç, të ketë thënë se gara për projektin e linjës së transmetimit 110 kilovolt në pjesën jugore të Shqipërisë, me vlerë 32 milionë euro, është fituar nga ky subjekt, me qendër në Sarajevo dhe se javën e ardhshme do të vijojnë negociata me financuesin e projektit, bankën qeveritare gjermane KfW lidhur me hollësitë e financimit.

Lidhur me këtë tender, ende publikut shqiptar nuk i është bërë asgjë e ditur për shpalljen e fituesit, që ka paraqitur ofertën më të mirë. Tenderin e zhvillojnë Operatori i Sistemit të Transmetimit dhe ministria shqiptare e Financave, ndërkohë që fondet jepen nga Banka Gjermane për Zhvillim, që është një institucion publik i atij vendi, i cili prej kohësh është angazhuar në vendim tonë për vepra të energjetikës apo të furnizimit me ujë e largimit të mbeturinave në qytete të ndryshme.

BLLOKIMI
Kompania ka marrë pjesë edhe në një tender tjetër - ku nuk shpall dot fitues - edhe më të rëndësishëm, për Shqipërinë, Kosovën dhe për vetë Energoinvestin. Projekti me vlerë 70 milionë euro, me të njejtin financues gjerman, parashikon ndërtimin e linjës së interkonjeksionit 400 kilovolt midis Shqipërisë dhe Kosovës, ku pala shqiptare ka edhe pjesën më të madhe, me vlerë 42 milionë euro. Ky tender u zhvillua me dy ofertues kryesorë: Energoinvest nga Bosnje-Hercegovina dhe Dalekovod nga Kroacia.

Ofertën më të mirë e paraqiti firma kroate, duke marrë shumicën e pikëve në proces, ku vlerësohej, si oferta financiare, ashtu edhe ajo teknike. Ky fakt u pranua edhe nga financuesi KfW, por qeveria shqiptare papritur anuloi tenderin, duke pretenduar se kompania kroate paraqiste një vlerë më të lartë. KfW sqaroi me këtë rast se pikët llogariteshin si shumë e ofertës financiare me atë teknike dhe kjo e fundit kishte 75 për qind të pikëve, por ministria shqiptare e Financave refuzoi të jepte lejen për shpalljen e kroatëve fitues. Më pas, drejtori i OST-së Arben Ibroja deklaroi se tenderi duhej të bëhej më vete për pjesën shqiptare, duke anuluar faktikisht garën.

Në opinion qarkulluan fjalë lidhur me interesa të Damir Fazlliçit, mikut bosnjak të qeveritarëve, i cili synonte të fitonte kompania e mbështetur prej tij, ndërkohë që çdo shtyrje e tenderit u shërbente kompanive serbe, nga importon Shqipëria energji, sërish me lidhje të ngushta me të.

Shkrimi u botua në numrin e sotëm të së përditshmes SHQIPTARJA.com
(Gre.M/Shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Cilat janë pengesat për arritjen e armëpushimit mes Izraelit dhe Hezbollahut?

Cilat janë pengesat për arritjen e armëpushimit mes Izraelit dhe Hezbollahut?

25 Nëntor, 22:54