Shefi i Byrosë Federale të Hetimeve (FBI) Christopher Wray, ka thënë para një paneli të Kongresit amerikan se agjencia nuk do të lë “asnjë gur pa lëvizur”, për të kuptuar se si kanë dështuar zyrtarët për të ndalur sulmin ndaj ish-presidentit amerikan, Donald Trump, njëherësh kandidat i republikanëve për zgjedhjet presidenciale të nëntorit.
Wray ka dëshmuar para Komitetit Gjyqësor të Dhomës së Përfaqësuesve për t’iu përgjigjur pyetjeve për të shtënat dhe rreth hetimeve të FBI-së për sulmuesin e dyshuar, 20-vjeçarin, Thomas Crooks, i cili është afruar aq afër Trumpit më 13 korrik, në një tubim fushate në Pensilvani, dhe ka arritur ta plagosë në vesh.
“E kam thënë disa herë që jemi duke jetuar në një mjedis me kërcënim në rritje. Është tragjike që atentati është një tjetër shembull”, ka thënë Wray.
“Ne nuk do të lëmë asnjë gur pa lëvizur. Sulmuesi mund të jetë vrarë, mirëpo hetimet e FBI-së janë duke vazhduar”.
Përveç plagës së Trumpit, një pjesëmarrës në tubim është vrarë dhe dy të tjerë janë plagosur.
Crooks është vrarë prej zyrtarëve për zbatim të ligjit. Motivi i sulmit nuk dihet ende.
Kimberly Cheatle ka dhënë dorëheqje të martën nga pozita e shefes së Shërbimit Sekret, pas thirrjeve në rritje për t’u larguar nga ajo pozitë, për shkak të dështimit për të parandaluar sulmin.
Wray pritet të ofrojë më shumë hollësi për incidentin, ndonëse në seancë janë vërejtur pakënaqësi edhe para nisjes së takimit.
Kjo pasi Wray ka kohë që përballet me kritika të republikanëve të linjës së ashpër, të cilët janë të zemëruar për arrestimin e mbështetësve të Trumpit, të cilët kanë hyrë në ndërtesën e Kongresit amerikan më 6 janar 2021, teksa Kongresi ka qenë duke certifikuar fitoren e presidentit aktual, Joe Biden, në zgjedhjet presidenciale të vitit 2020.REL
Lajme të tjera
-
Presidenti kthehet në Shtëpinë e Bardhë ndërsa Harris vazhdon fushatën
24 Korrik, 20:12 -
VIDEO/ Manchester City pësoi katër gola nga Celtic, skuadrës së Guardiolës nuk i ndodhte prej katër vitesh
24 Korrik, 18:17 -
Atentati ndaj Trump, Shërbimi Sekret: Të ndalohen tubimet në natyrë
24 Korrik, 15:53 -
Netanjahu, fjalim në Kongresin amerikan në përpjekje për të forcuar mbështetjen ndaj luftës së Izraelit
24 Korrik, 15:45 -
Votuesit amerikanë përballë një fushate të re presidenciale
24 Korrik, 15:40 -
SHBA/ Momente paniku në det, balena del nga uji dhe përmbys varkën e peshkatarëve (VIDEO)
24 Korrik, 11:41 -
Zëvendësuesi i Escobar jep mesazhin e parë në fillim të detyrës, Kasanof: Do punojmë për avancimin e raporteve në Ballkan
24 Korrik, 10:24 -
Harris kryeson sondazhet ndaj Trump: Vota e 5 nëntorit është 'një zgjedhje mes lirisë ose kaosit'
24 Korrik, 10:15 -
U dënua për korrupsion, senatori amerikan Menendez jep dorëheqjen
24 Korrik, 08:21 -
Dëshmia, dy oficerë policie lanë pozicionet e tyre dhe u vunë në kërkim të atentatorit të Trumpit përpara se ai të qëllonte
24 Korrik, 07:48 -
Zgjedhjet presidenciale në SHBA, ish-ambasadori Nesho: Shanset janë që Trump të fitoj, Harris s'ka eksperiencë! Berishës mund t'i hiqet 'non grata'
23 Korrik, 18:46 -
Zyrtarë të Ambasadës së SHBA takohen me kreun e AMP, Sulejmani: Mirënjohje për mbështetjen
23 Korrik, 18:19
