X

POP 5

Lajmet më të lexuara të 5 minutave të fundit

Sociale

Fenomeni i rrallë në plazhin e Divjakës me breshkën carreta-carreta

Për tre ditë dhe tre netë më radhë në Plazhin e Divjakës ka ndodhur një fenomen i rrallë. Breshkat e ujit të llojit, Carreta Carreta kanë çelur nga vezët e folenizuara në rërë dhe i janë drejtuar ujërave të Detit Adriatik.

DIVJAKË- Një fenomen i rrallë përcillet nga plazhi i Divjakës i cili është zgjedhur nga breshkat e rralla Carreta Carreta për t'u riprodhuar. Shumë të veçantë shfaqen pamjet teksa breshkat e vogla çelin nga vezët, dalin nga foletë nën rërë dhe i drejtohen detit Adriatik

Administrata e zonave të mbrojtura në Parkun Kombëtar Divjakë Karavasta në bashkëpunim me specialistë të fushës përkatëse kanë monitoruar nga afër këtë proces të nisur në 8 gusht. Specialisti i AZDM Fier Elton Daka rrëfen të gjithë monitorimin e bërë. 

“Ne ramë në gjurmët e kësaj breshke dhe prej asaj dite kryem montorim për mbarëvajtjen e procesit. 40 deri në 70 ditë është periudha kur këto breshka fillonjë të dalim nga veza dhe vijojnë jetën duke u futur në detin Adriatik Pas konsultimit me ekspertë dolëm në përfundim sipas kushteve natyrore, se ato do të dilnin në ditën e 50. Monitoruam 24 orë në 24 edhe ne, ekspertë por edhe banorët e zonës. Në 8 gusht ishte mbrëmja e parë kur dolën breshkat e para. Edhe nata e dytë edhe nata e tretë çelën vezët e tjera. Breshka carreta-carreta zgjedhin brengun e Divjakës për të riprodhuar. Edhe banorët na lajmërojnë kur i shohin folenizim”, tregon Daka.

Kjo ishte hera e dytë brenda një harku kohor prej tre vitesh që breshka e detit e llojit caretta-caretta folenizon në vijën bregdetare të plazhit të Divjakës. Sipas ekspertëve pritet që ky fenomen të vijë duke u shtuar.

B.K./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Protesta/ Militantët e Rithemelimit e PL hedhin molotovë në drejtim të Bashkisë së Tiranës

Protesta/ Militantët e Rithemelimit e PL hedhin molotovë në drejtim të Bashkisë së Tiranës

26 Prill, 11:49