Fenomeni ‘Tik-Tok’ mban të gozhduar para ekranit adoleshentët, sociologët: Janë të ndjeshëm nga komentet, duhet kontroll nga mësuesit e prindërit

Rrjetet sociale dhe veçanërisht tik-tok po u rrëmbejnë të rinjve një pjesë të madhe të kohës duke u bërë shpeshherë shkak për konflikte me pasoja të rënda si ngjarja e fundit në Gramsh. Të paturit një llogarie në këto platforma është kthyer në trend dhe shpesh koha e lundrimit aty nuk njeh kufizime.

Kjo 15-vjeçare thotë se në tik tok kalon pjesën më të madhe të ditës.

“Gjithë ditën”- Gleonela Dega,15 vjeç

Me hyrjen në rrjetet sociale të rinjtë duhet t’u bëjnë ballë një sërë komentesh. Disa i vijojnë me debate që agravojnë në sherr fizik e të tjerë përfundojnë fatalisht si ngjarja në Gramsh ku një grup adoleshentësh u përleshën me thika, e për pasojë humbi jetën 15-vjeçari Fatjon Bici, pas mesazheve të shkëmbyera prej javësh në snapchat.

Nisur nga gjuha bullizuese e përdorur në rrjete sociale Gleonela thotë se në adresën e saj komentet I ka bllokuar.

“I mbyll gjithmonë komentet, ka rrezikshmëri  në fakt janë adoleshentët që bullizojnë njeri tjetrin nëpër rrjetet sociale por thjesht duhet të kemi kujdes mos të përfshihemi shumë.”- tha ai.

Prindërit thonë që peshën më të madhe e kanë prindërit.

“Është prindi përpara duhet ta ketë në kontroll.”- tha ajo.

Por jo në pak raste edhe mësuesit nuk e luajnë rolin e tyre siç duhet, duke i bulluar fëmijët në mes të klasës dhe jo duke zhvilluar konsulta private me ta në zyra.

“Dhe fëmija kur preket në sedër, kur e kërkon faljen nuk e përsërit më sepse e ndien gabimin por kur ja kthen mësuesja me të njëjtën monedhë  çfarë do presësh nga ai fëmijë, ose nga ajo mësuese. Me atë delikatesën e vet duhet ti thotë  pa I bërtitur që fëmija ta kuptojë  ti thotë mësuese më fal.”-vijoi ajo.

Razia Asim erdhi nga Kina në Shqipëri 13 vite më parë. Ndryshe nga atje ajo thotë se tik-toku në Shqipëri nuk ofron shumë siguri për dy fëmijët e saj 7 dhe 10 vjeç.

“Unë jam  nga Kina edhe  në kinë nga një lloj sistemi që fëmijët nuk e përdorin  atë por ajo i shikon dhe i komenton edhe un nuk e di  çfarë ajo mund të bëjë. Prandaj për këtë duhet që qeveria të bej diçka.’- tha ai.

Për sociologen Entela Binjaku është  vetë mosha e adoleshentëve që I përfshin ato më shumë seç duhet emocionalisht në konfliktet e lindura në rrjetet sociale

“Problemet që ka adoleshenca, ku fluksi emocional është shumë i lartë, bien pre e skenave bullzuese, dhunuese nga bashkëmoshataret e tyre dhe nën këtë fluks të lartë emocional nuk arrijnë dot ta administrojnë atë në gjendjen që duhet dhe përfundojnë në krime”- tha ajo.

Episodet e gjuhës së urrejtjes thotë sociologia shmangen vetëm me përfshirjen e më shumë psikologëve në institucionet arsimore.

“Kemi përparuar disi në përfshirjen e profesionistëve nga fusha e psikologjisë në shkollat tona, por kjo përfshirje është e pamjaftueshme. Nuk është e shtrirë në të gjithë vendin. Edhe oficerët e sigurisë, ndoshta një hap të mirë përpara e bëjnë, por është i pamjaftueshëm përderisa ne shohim që kriminaliteti dhe dhuna në shkolla është e pohuar dhe është një dukuri tanimë, është episodike.”

G.MO/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Në hetim në Gjermani për trafik kokaine nga Amerika Latine, SPAK sekuestron pasuritë e Princ Dobroshit dhe Olsi Syziut në Shqipëri

Në hetim në Gjermani për trafik kokaine nga Amerika Latine, SPAK sekuestron pasuritë e Princ Dobroshit dhe Olsi Syziut në Shqipëri