Receta

Fërgesë me mëlçi dhe oriz nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 15 Nëntor 2022, 11:03 | Përditesimi: 15 Nëntor 2022, 11:04

Fërgesë me mëlçi dhe oriz

Përbërësit:

300 gr mëlçi
2 kokrra vezë
300 gr qepë e thatë
400 ml ujë
1 lgj oriz
Spec djegës
Kripë, piper

Përgatitja:

LEXO EDHE:
Pulë me oriz në furrë nga zonja Albana

Kaurdisim fillimisht mëlçitë me pak vaj ulliri. Më pas largojmë mëlçitë nga tigani dhe në po atë yndyrë kaurdisim qepët e grira mesatarisht. Ndihmojmë zbutjen e qepëve me kripë dhe pak ujë. Më pas shtojmë buljonin e nxehtë derisa të mbulohen pak qepët, hedhim orizin dhe pas 8-10 minutave vendosim dhe mëlçitë. Rregullojmë shijen me pak spec djegës, kripë dhe piper të zi. Bëjmë disa gropëza tek gatimi ku vendosim vezët. E lëmë gatimin të mpikset për 6-8 minuta dhe në fund shtojmë bimë aromatike sipas dëshirës.

MC/Shqiptarja.com

TAG: