Fermerët të mërkurën në protestë/ Kryemadhi: LSI e mban fjalën, ne kemi një program që përkrahë bujqësinë e blegtorinë

Fermerët ditën e mërkurë do të mbajnë protestën e radhës, për të shprehur pakënaqësinë e tyre në lidhje me subvencionet dhe mungesën e tregut për të shitur prodhimet e tyre. Në lidhje me këtë protestë ka reaguar edhe kryetarja e LSI, Monika Kryemadhi duke thënë se partia që ajo drejton do tu gjendet pranë fermerëve.

Në deklaratën e saj për mediat, Kryemadhi ka thënë se LSI ka një platformë konkrete për subvencionet që do tu japë fermerëve. Ajo ka shtuar se partia që drejton njihet si parti që e mban fjalën e dhënë dhe për këtë arsye duhet t'i besohet.

Kryemadhi nuk ka lënë pa hedhur akuza edhe ndaj qeverisë duke thënë se po grabit edhe fermerët me oligarkët.

"Kërkesat e fermerëve janë minimale. Kërkesat e tyre janë shumë të thjeshta për ti realizuar, kërkojnë subvencionim sipas prodhimit. Vlerësim dhe konpensim financiar në dyshemenë e tregut për shkak të çrregullimeve. Kërkojnë nga Ministria e Bujqësisë, që të bëjnë punë në sipas ligjit tu shërbejë atyre. Të bëjnë analizat për tokën e farat. Të kërkojnë laborator. Kërkojnë rregullimin me ligj të produkteve. Ditën e mërkurë ata do të dalin për të protestuar. Është e disata herë. Qeveria ka ardhur me vota të blera, e me krimin e organizuar, që e kanë kthyer qeverinë në shërbim të tyre. Kjo qeveri krijoi dëm eksporteve dhe ulja e tvsh 6% solli konflikt mes fermerëve dhe eksportuesve. Shqipëria para dy vitesh më shumë eksportonte se importonte. Qeveria ka si synim vjedhjen edhe te atyre që ngrihen në mes të natës. Në mungesë të subvencionit qeveria ka në mendje PPP. 100 mijë krerë ka rënë për sa i përket gjedhëve. Ndërsa e gjedhëve të imta ka rënë me 500 mijë krerë.  Kjo qeveri ka inspiruar vetëm largimin e shqiptarëve. Oligarkëve nuk u duhen më punëtor shqiptarë, por skllevër modernë, pa gojë pa gjuhë pa krenari.
Në emër të LSI mbështesim fermerët për protestën. Ne kemi program për fermerët, do ti ndihmojmë me kartën e bujqësisë. Për blegtorinë do të rrisë prodhimin dhe mundësi për nënproduktet. Angazhohemi për të dhënë e për ta mbajtur fjalën. Nga kjo foltore garantoj se do ti kemi sytë hapur për çdo punonjës policie administrate për protestën e të mërkurës." ka thënë Kryemadhi.

TAG:
• edi rama
• LSI
• monika kryemadhi
• fermerët