“Festa e Fërgesës” çeli edicionin e saj të pestë duke bërë bashkë artizanë dhe restorante tradicionale. E kthyer në një traditë të përvitshme për kryeqytetasit, por jo vetëm, ajo erdhi këtë vit si një sfidë shijesh mes Tiranës dhe Elbasanit, duke tërhequr një numër të madh turistësh dhe vizitorësh. Për të përshëndetur këtë festë, i pranishëm ishte dhe Kryetari i Bashkisë së Tiranës Erion Veliaj, Kryetari i Bashkisë së Elbasanit Gledian Llatja, ministrja e Arsimit dhe Sportit Evis Kushi etj.
Kryebashkiaku Veliaj theksoi se gjithnjë e më shumë turizmi po kthehet në motor të zhvillimit të ekonomisë lokale dhe burim të ardhurash. “ Është një kënaqësi e jashtëzakonshme në një Tiranë që është mbushur me turistë, në një Tiranë që s’ka dhomë hoteli të lirë, në një Tiranë ku çdo restorant është rezervuar, çdo lokal, çdo klub. Kultura, kulinaria, arti, muzika, teatri, baleti të gjitha prodhojnë ekonomi. Ne patjetër dimë të bëjmë dhe pica, patjetër dimë të gatuajmë dhe ushqime ndërkombëtare, por njerëzit nuk vijnë në Shqipëri për diçka që është e huazuar nga diku tjetër. Njerëzit vijnë në Shqipëri, shpenzojnë para në Shqipëri, kalojnë net në Shqipëri, bëjnë pushime në Shqipëri për diçka që është autentike Shqiptare”, tha Veliaj.
Kryebashkiaku Veliaj u shpreh se festa të tilla i shërbejnë dhe ruajtjes e promovimit të identitetit të kryeqytetit dhe njohjes së tij nga vizitorët e huaj. “Kjo është një mënyrë për të kujtuar që ne kemi një traditë të jashtëzakonshme, qoftë edhe në veshjet që keni sot, qoftë edhe në muzikën që luajtëm sot, qoftë edhe në kostumet fantastike që kemi për vogëlushët, qoftë edhe për ushqimin. Është autentike dhe është diçka që na bashkon, jo vetëm Tiranën me Elbasanin, po diçka për të cilën të gjithë duhet të jemi krenarë. Dhe unë besoj fort që në Shqipëri sot mund të kalosh një kohë të jashtëzakonshme. Patjetër në plazh, po edhe në Tiranë e Elbasan ku nuk ke plazh, mund të hash mirë, mund të kesh shoqëri të reja, mund të shohësh art dhe kulturë, mund të shohësh Kalanë e Elbasanit, Kalanë në Tiranë”, nënvizoi Veliaj.
Kryetari i Bashkisë së Elbasanit Gledian Llatja vlerësoi traditat dhe bashkëpunimin me Bashkinë e Tiranës. “Tirana është shtëpia e të gjithë Shqipërisë. Normalisht fërgesa është një nga gatimet që na ka bashkuar gjithmonë si Shqipëri e Mesme. Faleminderit për këtë aktivitet që na dhatë dhe ne mundësinë që bashkë me artistët e Elbasanit të jemi sot prezentë këtu”, u shpreh kryebashkiaku Llatja.
Krahas panairit të kulinarisë së zonës, të pranishmit patën mundësi të ndjekin performancën e Ansamblit Tirana me valle të Shqipërisë së Mesme, Ansamblit "Isuf Myzyri" dhe Ansamblit të Fëmijëve Elbasan.
Komente
Lajme të tjera
-
Veliaj në Bruksel për 75-vjetorin e Kolegjit të Europës: Vitin tjetër dyfishohet numri i studentëve! Kampusi, histori suksesi për Tiranën
21 Nëntor, 15:21 -
Festivali i Nomadëve Digjitalë, Veliaj: Tirana, qytet kozmopolitan i të gjithëve! Bëhemi gati për titullin ‘Kryeqyteti Europian i Kulturës'
20 Nëntor, 15:46 -
Premtimi i Veliajt, nga 1 janari 2025 pensionistët do të udhëtojnë falas me autobus në Tiranë! Vendimi miratohet me votat e socialistëve në Këshillin Bashkiak
19 Nëntor, 17:54 -
Prezantohet në shqip libri i ish-kryebashkiakut të Bogotas, Veliaj: Ekipi i tij do ndihmojë në zbatimin e sistemit të ri të transportit në Tiranë
19 Nëntor, 14:46 -
Sot 80 vjetori i Çlirimit të Tiranës nga pushtuesit nazistë, homazhe te ‘Ushtari i Panjohur’! Veliaj: Të lëmë përçarjet për përparimin e shoqërisë
17 Nëntor, 08:29 -
Rehabilitohet blloku i banimit në Njësinë 3, Veliaj: Tirana, një kantier investimesh, buxheti 2025, më transformuesi
16 Nëntor, 13:07 -
Parada e Shqiptarëve më 28 nëntor në Tiranë, Bashkia e Ferizajt i bashkohet festës së madhe të pavarësisë: Emocion, krenari, lavdi e festë e jashtëzakonshme
13 Nëntor, 20:09 -
FOTOT/ Nis puna për rindërtimin e shkollës 9-vjeçare “Edith Durham”, Veliaj: “Do të jetë një super shkollë me 4 kate, gati për vitin e ardhshëm shkollor”
12 Nëntor, 12:00 -
Veliaj i ftuar në Akademinë Politike të PS: Puna dhe reputacioni që lëmë pas, kontribut dhe vlerë për vendin
9 Nëntor, 14:00 -
Veliaj vizitë dy ditore në Aleksandri: Tirana, simboli i bashkëjetesës Mesdhetare të Kulturës dhe Dialogut
8 Nëntor, 18:50 -
Më 28 nëntor mbahet në Tiranë parada kuqezi, Veliaj thirrje shqiptarëve: Eja festojmë në zemër të qytetit me këngët nga çdo trevë shqiptare
6 Nëntor, 16:13 -
Veliaj thirrje qytetarëve: Ta kthejmë nëntorin në një muaj feste, valëvisni flamurin kudo ku ka shqiptarë (VIDEO)
5 Nëntor, 12:12
Te gjitha llojet e fergesave si ato me mish,si ato vegjetariane jane shume te mira.Mua me ka mbetur ne mendje kur e kam provuar per here te pare me mish.Ishte koha kur diktatura hyri ne krize dhe dolen tallonat,une isha e vogel atehere dhe na kishin ftuar familjarisht ne nje dasem te ish-hotel /Arberia/.Personi qe na ftoi punonte ne ministri dhe ishte ne gjendje te bente darke me te mire se njerezit e zakonshem.E pra nga ajo darke me ka mbetur ne mendje sasia e mishit qe u servir,qe ishte nje luks per njerezit e zakonshem dhe sigurisht fergesa tiranase,ishte bere kaq e mire dhe me pelqeu kaq shume sa dhe sot, nuk e pershkruaj dot.Tani e gatuaj here pas here duke ndjekur recetat e shumta qe jepen ne internet,por magjia dhe shija e asaj fergese qe provova atehere,eshte e paperseritshme.Do te doja te dija kush ka qene guzhinjer tek /Arberia/ ne fund te viteve 80' fillimi i 90',sepse ai/ajo ka bere fergesen tiranase,per mendimin tim,me te miren ne bote.
PërgjigjuQuhet fergese Elbasani dhe gatuhet me zener ose melci dhe gjize. Cer pune ka Tirana me fergesen se di. Te dali 1 korcar te gatuaj ballokume korce
Përgjigju