Festa e Krishtlindjes, Xhaçka uron të gjithë besimtarët: Ditë shprese dhe besimi për të nesërmen që do vijë më e mirë

Ministrja e Brendshme Olta Xhaçka përmes një mesazhi në Facebook ka uruar të gjithë besimtarëve krishterë me rastin e festës së Krishtlindjes.

Ajo shkruan se ky vit është krejtësisht ndryshe por Krishtlindjet janë një ditë shprese dhe besimi për të nesërmen që do vijë më e mirë e më e bukur.

"Janë Krishtlindje krejt ndryshe, në një sezon festash siç nuk i kemi përjetuar kurrë më parë, në një vit të vështirë që na ka sfiduar e sprovuar të gjithëve si kurrë ndonjëherë. Por Krishtlindjet janë një ditë shprese, një mesazh besimi e kurajo për të nesërmen që do të vijë më e mirë e më e bukur pas kësaj kohe kaq të zymtë. Gëzuar të gjithë besimtarëve! Gëzuar të gjithë shqiptarëve! E një urim nga zemra për të gjithë familjet e efektivëve të Forcave të Armatosura, në veçanti për ata që ndodhen sot në krye të detyrës në misione e përfaqësi të NATO-s jashtë atdheut, larg fëmijëve e të afërmve të tyre" - shkruan Xhaçka.

 

Lajmi kryesor:

Sot Krishtlindje, mbahet mesha e besimtarëve ortodoksë dhe katolikë në disa qytete! Më pak qytetarë se vitet e tjera, respektojnë masat anti-COVID

E.M./Shqiptarja.com

TAG:
• kisha ortodokse
• krishtlindje
• mesha