POP 5

Lajmet më të lexuara të 5 minutave të fundit

Kronikë

Festat e fundvitit, Korça çel sezonin turistik dimëror! Qyteti i gjithi në drita, Filo: Do jemi kryeqyteti i festimeve të fundvitit

Korça ka çelur sezonin turistik dimëror në këtë muaj të fundit kalendarik, duke pritur mijëra turistë gjatë fundjavës. Ceremonia e ndezjes së dritave festive ka mahnitur vizitorët e shumtë nga qytetet e ndryshme të Shqipërisë, të cilët pushtuar jo vetëm qytetin , por edhe fshatrat turistikë

Kryeqendra e Juglindjes e ka nisur sezonin turistik dimëror mbrëmjen e të shtunës me ceremoninë e ndezjes së dritave, në një atmosferë tepër festive dhe me aktivitete të ndryshme. Dekori i vendosur nga Bashkia e Korçës ishte kompozuar me elementë të rinj, ku vihej re dhe godina e veshur e gjitha me ndriçim

“Do të kemi aktivitete në teatër, në disa prej hapësirave publike, në pazarin e Korçës, do jetë një muaj ku Korça do të kthehet në kryeqytetin e festimeve të Krishtlindjes dhe Vitit të Ri në Shqipëri për të mirëpritur dhe mijëra vizitorë që zgjedhin Korçën si destinacion të festimit të këtyre festave”.- tha kryebashkiaku Sotiraq Filo

Qytetarë të ndryshëm dhe turistë teksa morën pjesë në këtë ceremoni të veçantë, thanë se atmosfera ishte shumë e bukur dhe se kanë shkuar enkas në Korçë, për ndezjen e dritave.

“Si gjithmonë Korça shumë e bukur, edhe në kohën e festave”- tha një qytetar.

“Mua po më duket shumë super, kam ardhur dhe një herë në Korçë por këtë herë po më duket më mirë”- tha një tjetër.

“Qyteti ynë i bukur”- u shpreh një qytetar.

Në mbrëmjen e ndezjes së dritave, u zhvilluan një sërë aktivitetesh ku kulmuan me koncertin e këngëtarit Altin Goci, duke mbajtur në shesh mijëra njerëz. Si në qytet, por edhe në fshatrat turistikë të Korçës, ambientet akomoduese për këtë fundjavë ishin plotësisht të rezervuara nga vizitorët e qyteteve të tjera.

M.Q./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Shkodra: 03/12/2023 20:02

    Mvjen keq Po sivjet ja kalon shkodra

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça