POP 5

Lajmet më të lexuara të 5 minutave të fundit

Politikë

Krishtlindje/ Veliaj shtron një darkë për komunitetet e krishtera në Tiranë: Koha për të qenë më solidarë, të mos e shohim njëri-tjetrin si kundërshtarë

Kryetari i Bashkisë së Tiranës, Erion Veliaj, shtroi mbrëmë një darkë për komunitetet e besimit katolik, orthodhoksë dhe protestantë me rastin e festës së Krishtlindjes. Në fjalën e mirëpritjes, kryebashkiaku tha se viti që po lëmë pas ishte i jashtëzakonshëm për Tiranën

Kryetari i Bashkisë së Tiranës, Erion Veliaj, shtroi mbrëmë një darkë për komunitetet e besimit katolik, orthodhoksë dhe protestantë me rastin e festës së Krishtlindjes. Në fjalën e mirëpritjes, kryebashkiaku tha se viti që po lëmë pas ishte i jashtëzakonshëm për Tiranën. 

“Ky vit ka qenë i jashtëzakonshëm për Tiranën, për mënyrën sesi komunikojmë me njëri-tjetrin, ndaj më vjen mirë që i kemi kushtuar hapësirë dhe vëmendje secilit prej besimeve. Një shtëpi e madhe ka vend për të gjithë; siç kemi pasur një traditë me vëllezërit dhe motrat tona myslimane për të festuar Bajramin, e kam gjykuar të nevojshme që, edhe për besimtarët e krishterë të kemi një ditë të dedikuar nga Bashkia, për t’i thënë secilit prej jush se sa e vlerësojmë punën tuaj, shërbesën tuaj, misionin tuaj në qytetin tonë,” u shpreh Veliaj.

Kreu i Bashkisë nënvizoi se, ndërsa Tirana këtë vit si Kryeqyteti Europian i Rinisë gëlonte nga aktivitetet, “në fund”, - tha Veliaj, - “jemi ne që duhet të bëhemi bashkë, ashtu si në një familje të madhe”.

“Ky vit ka pasur pafundësi aktivitetesh për Tiranën: viti i Rinisë, aktivitetet e futbollit, aktivitete kulturore dhe të muzikës, aktivitete ekonomike, aktivitete politike, Samiti i BE-së, ama, në fund të ditës, kur mbarojnë të gjitha këto aktivitete dhe secili shkon në shtëpi, ne mbetemi këtu. Ne do jemi këtu edhe në datën 31 në fund të vitit. Do jemi këtu edhe për të pritur Vitin e Ri. Do jemi këtu edhe për të gjitha martesat, edhe ata çifte që krijojnë një familje të re në kishat tona, do jemi këtu edhe për ata që përcjellim, pasi kanë pasur udhëtimin e tyre në këtë botë për të shkuar në amshim. Ne do të jemi këtu për të gjithë të porsalindurit. Kjo është shtëpia jonë, kjo është familja jonë, këta janë vëllezërit dhe motrat tona në ditët e mira dhe në ditët e vështira,” tha ai. 

Veliaj bëri edhe një thirrje për t’i dhënë fund “armëve”, siç i quajti ai akuzat dhe sulmet politike, dhe të jemi më solidarë ndaj njeri-tjetrit, qoftë edhe në kampet kundërshtare.

“Ftesa e përbashkët në këtë ditë, është: A kemi nevojë ne si komb për një paqe të madhe? Për një armëpushim të madh? Të ulim armët, të cilat jo gjithmonë janë armë fizike. Armë është edhe gjuha jonë. Armë janë mendjet tona, kur i përdorim kundër njeri-tjetrit, për të penguar njëri-tjetrin dhe për të mos e trajtuar njëri-tjetrin si të denjë dhe të barabartë, por si një kundërshtar që duhet mundur. Ndaj, edhe shpresoj dhe lutja ime për qytetin tonë, për kombin tonë, për shoqërinë tonë, është që vërtetë pse mos ta kemi çdo ditë Krishtlindje dhe të jetojmë çdo ditë si një armëpushim të madh mes vedi. Vetëm pastaj mund të predikojmë këtë mesazh për të tjerët. Shumë kollaj të jemi solidarë me këtë, apo me atë nga larg, shumë e vështirë ta praktikojmë njëherë vetë dhe pastaj të përdorim atë mesazh për të tjerët,” e mbylli Veliaj fjalën e tij.

M.Q./K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Bobi: 27/12/2022 18:22

    BABAI LUAN, MAMAJA SHQIPONJA,TE DY OFICERE, QE TE BENIN NAMIN PO TE PERMENDJE ZOTIN, CA LIDHJE KA KY NJERI ME KRISHTERIMIN??!!! DO VOTA DHE NGA TE KRISHTERET KY KLYSH

    Përgjigju
  • Arbërori: 27/12/2022 16:51

    I duhen vota këti serboiranianit kryeriminelit të Tiranës

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51