Sidnei në Australi dhe Oklandi në Zelandën e Re, ishin ndër qytetet e para të mëdha në botë që pritën vitin e ri 2024, me brohoritje dhe shfaqje spektakolare fishekzjarresh.
Në Okland, njerëzit e mbledhur për të festuar në qytetin me 1.7 milionë banorë brohoritën në mesnatë dhe ndoqën fishekzjarret pranë kullës më të lartë të vendit, Sky Tower.
Më shumë se 1 milion njerëz – një numër i barabartë me një në pesë banorë të Sidneit – ndoqën fishekzjarret nga bregu dhe nga varkat në port.
Luftrat e vazhdueshme në Ukrainë dhe Gazë, dhe tensionet e rritura në pjesë të botës, po ndikojnë tek pritja e Vitit të Ri në mënyra të ndryshme. Shumë qytete po vendosin masa shtesë sigurie dhe disa vende i anuluan festimet për Vitin e Ri.
Në Vatikan, Papa Françesku kujtoi vitin 2023 si një vit të shënuar mes vuajtjeve të kohës së luftës.
Gjatë bekimit të tij tradicional të së dielës nga një dritare me pamje nga Sheshi i Shën Pjetrit, ai u lut për “popullin e vuajtur ukrainas dhe popullsinë palestineze dhe izraelite, popullin sudanez dhe shumë të tjerë”.
Në Japoni, kambanat e tempujve ranë në të gjithë vendin ndërsa njerëzit u mblodhën në faltore dhe tempuj për të mirëpritur vitin e ri.
Në qytetin e Nju Jorkut, zyrtarët dhe organizatorët e festës thanë se ishin të përgatitur për të garantuar sigurinë e dhjetëra mijëra vizitorëve që pritet të mbushin Times Square në zemër të Manhatanit.
Mes protestave pothuajse të përditshme të ndezura nga lufta Izrael-Hamas në Gaza, policia e qytetit të Nju Jorkut tha se do të zgjeronte perimetrin e sigurisë rreth festës, për të shmangur demonstratat e mundshme.
Siguria është rritur edhe në qytetet evropiane. Në Francë, 90,000 forca policore u vendosën për të garantuar sigurinë, tha të premten shefja e zbulimit Céline Berthon. Prej tyre, 6,000 do të jenë në Paris, ku ministri i Brendshëm francez Gerald Darmanin tha se mbi 1.5 milion njerëz pritet të marrin pjesë në festimet në Champs-Elysees.
Ai tha se ekzistonte një “kërcënim shumë të lartë terrorist” pjesërisht për shkak të luftës Izrael-Hamas.
Në Berlin, rreth 4500 oficerë policie pritet të ruajnë rendin dhe të shmangin trazirat si një vit më parë.
Në Rusi, veprimet ushtarake të vendit në Ukrainë kanë lënë në hije festimet e fundvitit. Fishekzjarret dhe koncerti i zakonshëm në Sheshin e Kuq të Moskës u anuluan ashtu si vitin e kaluar./VOA
Lajme të tjera
-
Tirana atmosferë 'magjike' në minutat e para të Vitit të Ri 2024, shikoni videon nga avioni
4 Janar, 07:16 -
Tirana i rikthehet normalitetit, nis puna në administratë! Emigrantja që 'la' gjermaninë për të festuar në kryeqytet: Jemi befasuar, ua sugjeroj të gjithëve
3 Janar, 17:42
-
Berlin/ Sërish sulme ndaj policëve gjatë ndërrimit të viteve
2 Janar, 16:10 -
Tiranë/ Vijon atmosfera festive në sheshin Skënderbej! Pushimet drejt fundit, qytetarët gati për një vit plot sfida
2 Janar, 14:03
-
Kukës/ Emigrantët kthehen për Vitin e Ri dhe gjallërojnë Shishtavecin, të rinj e të moshuar e presin 2024 me këngë e valle (VIDEO)
1 Janar, 15:54
-
Viti i ri 2024/ Spektakël si asnjëherë më parë në Shkodër, fishekzjarret ndriçojnë qiellin, kryebashkiaku Beci në shesh me qytetarët
1 Janar, 13:13
-
Taksat e reja dhe sfidat e vjetra të 2024-ës! Nis taksimi i 29 mijë profesionistëve, rritet akciza për karburantin e alkoolin! Turizmi e paga 900 euro kryefjala e vitit
1 Janar, 12:20
-
FOTO/ Ja si u prit Viti i Ri 2024 nëpër botë
1 Janar, 09:47 -
Nëna nga Kreshpani sjell në jetë foshnjën e parë në Fier për vitin 2024! Eshtë djalë dhe peshon 4.1 kg
1 Janar, 09:40 -
Lezha e nis mbarë Vitin e Ri! Festime nëpër rrugë e lokale pa asnjë incident! Pamje me dron të spektaklit të fishekzjarreve
1 Janar, 09:09
-
Kështu u prit Viti i Ri 2024 në Tiranë, shikoni fotot fantastike me dron të spektaklit të fishekzjarreve
1 Janar, 08:38 -
Si ishte viti 2023? Erion Veliaj në ‘Esencë’: Sfidues, por ja vlejti! Piramida shtëpia e të rinjve për 200 vitet e ardhshme! Ja projektet për 2024-ën
1 Janar, 08:02
