POP 5

Lajmet më të lexuara të 5 minutave të fundit

Tirana

Festimet për Ditën e Verës/ Mbi 50 aktivitete, ja si do të devijohet qarkullimi të dielën në Tiranë

Me rastin e festimeve, bashkia njofton se ka organizuar më shumë se 50 aktivitete, lojëra, dhe muzikë në zona të ndryshme të kryeqytetit.

Bashkia e Tiranës shtyu aktivitetet për Ditën e Verës në datë 17 mars, ditën e diel për shkak të motit të keq në datë 14. Me rastin e festimeve, bashkia njofton se ka organizuar më shumë se 50 aktivitete, lojëra, dhe muzikë në zona të ndryshme të kryeqytetit. Që kjo ditë të jetë një festë e madhe për të gjithë, Bashkia e Tiranës ka vendosur që 17 Marsin ta shpallë edhe Ditë pa Makina, duke e kthyer Bulevardin “Dëshmorët e Kombit” në pedonale.

Për mbarëvajtjen e aktiviteteve, Bashkia e Tiranës dhe Policia e Shtetit kanë marrë një plan masash për organizimin e aktiviteteve, ku tregohet se si do të devijohet qarkullimi i mjeteve këtë të diel. Ditën e diel, më 17 mars, do të ndalohet qarkullimi i automjeteve në Bulevardin “Dëshmorët e Kombit” nga ora 08:00 deri në orën 17:00.

Gjithashtu, do të ndalohet qarkullimi në sheshin “Nënë Tereza” nga data 16.03.2019 ora 19:00 deri në datën 18.03.2019 ora 00:00, si dhe në rrugën "Pjetër Bogdani" dhe "Brigada e VIII", segmenti i rrugës midis "Vaso Pashës" dhe "Ibrahim Rugovës" në datë nga ora 08:00 deri orën 04:00 datës 18 Mars.

Për automjetet e emergjencës dhe të Policisë së Shtetit, qarkullimi do të bëhet në rrugët: "Ibrahim Rugova", “Vaso Pasha” dhe “Papa Gjon Pali II”, në Unazën e Vogël të qytetit.

 Ndërkaq, qarkullimi i mjeteve të transportit urban të qytetit do të devijohet si më poshtë:

 • Linja e Unazës do të devijohet në Urën e rrugës “Sami Frashëri” me urën e rrugës “Elbasanit".

 • Linja “Tirana e Re" do të devijohet në rrugën “Sami Frashëri".

 • Linja Kinostudio-Kombinat do të devijohet tek Sheshi "Medresesë" si dhe përballë kishës Ortodokse në  rrugën e “Kavajës".

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    19 Dhjetor, 08:16

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit

Akuzohen se pastruan 11 mln euro, zbulohen 10 kompanitë e Gëzdarit dhe Markut! Ofronin dhe shërbime konsulence ‘kundër rrezikut të mashtrimit’! (LISTA)

Akuzohen se pastruan 11 mln euro, zbulohen 10 kompanitë e Gëzdarit dhe Markut! Ofronin dhe shërbime konsulence ‘kundër rrezikut të mashtrimit’! (LISTA)

20 Dhjetor, 09:49