POP 5

Lajmet më të lexuara të 5 minutave të fundit

Kultura

Festivali Ndërkombëtar i Jazz-it/ Grupi belg bën për vete audiencën shqiptare

Artistët belgë edhe shqiptarë performuan mbrëmjen e djeshme në Festivalin Ndërkombëtar të Jazz-it. Muzikë kualitative dhe jazz-i i bazuar në traditat folklorike të vendeve të ndryshme erdhi në kohë.

Trioja belge Toine Thys  (Tuan Tuis) u prezantua për publikun shqiptar me muzikë të guximshme. Artistët udhëtuan në rrugët e xhazit, improvizimit, duke sjellë si një përrallë zanore muzikën e jashtëzakonshme. Ata përreth një orë sollën muzikë jazz, jo vetëm bazuar në motivet folklorike të Ballkanit, por edhe të Afrikës Perëndimore. Prej dhjetë vitesh artistët belg  janë zhytur në traditën më të mirë të jazz-it. Mbrëmjen e djeshme, muzikanti Toine Thys përveçse me muzikë rrëmbeu vëmendjen e audiencës edhe me humor gjatë performancës. Artistët belg përpara se të nisnin interpretimin e koncertit “revolucionar”, përshëndetën edhe në gjuhën shqipe.

Në përformancën që u luajt nga trioja shqiptare pianisti Gent Rushi, saksofonisti Ermal Rodi dhe bateristi Emiljano Dhimo, publiku pati kënaqësinë që të dëgjonte përpunime, që erdhën si kompozime origjinale të muzikës së njohur shqiptare. Muzikë ballkanike dhe këngë të njohura të folkut tonë erdhën nën influencat bashkëkohore. Larmishmëria e repertorit të dy grupeve që interpretuan mbrëmjen e djeshme, bëri që shkëmbimi kulturor midis vendeve të ndihej lehtas. Por festa vazhdon .

 Sonte në mbrëmje do të interpretojnë për publikun e Tiranës, një duo dhe piano forte, në vijim një trio nga Athina. Ndërsa, nesër mbrëma do të jenë një grup vajzash nga Barcelona që bëjnë flamengo përzier me Jazz. Në vijim do të kemi 24 muzikantë, SA-NI-Ti një koncert që vjen si projekt që mbështet zhvillimin e dialogut në rajon edhe të vendeve të ndryshme.

Besim Petrela, Presidenti i Festivalit

Mbrëmja e fundit e Festivali Ndërkombëtar të Jazz-it në hotel Rogner dhe në Apolloni është në datë 28 korrik. Hyrja është falas!

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Shenjat që kanë më shumë gjasa të fillojnë një zënkë në tryezën e festave

Shenjat që kanë më shumë gjasa të fillojnë një zënkë në tryezën e festave

27 Dhjetor, 22:58