POP 5

Lajmet më të lexuara të 5 minutave të fundit

Sociale

Festivali ‘N’Dri’ në Lezhë rikthen sportet ujore në Drin! Dhjetëra fëmijë e të rinj marrin pjesë

Dhjetëra fëmijë e të rinj morën pjesë në festivalin e sporteve ujore në lumin Drin në Lezhë, ku përveç argëtimit gjatë lundrimit me kajak, përcollën mesazhin e një stili ndryshe jetese për të gjithë qytetarët e tjerë.

Me qëllim promovimin e sporteve ujore u organizua në Lezhë festivali “N’Dri”. Dhjetëra fëmije e të rinj shijuan tingujt e muzikës dhe morën pjesë në garën me kajak.

“Ky projekt kishte qëllim jo vetëm të rivitalizojë dhe të sjellë sportet ujore si një stil ndryshe jetese për komunitetin e Lezhës por edhe për të qenë një këmbanë alarmi për institucionet e qeverisjes vendore dhe qëndrore se sa e rëndësishme është që ata të vendosin dorë dhe të fillojnë ta marrin më seriozisht punë e pastrimit të lumit Drin, si një mundësi shumë e mirë për t’ua sjellë qytetarëve ashtu sic e meritojnë të pastër, të bukur dhe sa më argëtues”- u shpreh aktivistja Vasilika Laska.

“Projekti “vozisim në Drin” është një nga zgjedhjet që komisionini vlerësimit e e ka përshtatur me projektet e Bashkisë.  Synimi i Bashkisë , është ta zgjidhë ngërçin e qarkullimit të Lumit Drin. Kemi lajme të mira që është bërë një studim për ta vënë në lëvizje këtë mekanizëm që lumi Drin të kthehet i lundrueshëm” tha Elson Frroku drejtori i integrimit evropian në Bashkin e Lezhës.

Kajakët kanë nisur të jenë prezent në Lumin Drin prej disa vitesh, duke u përdorur në aktivitete të ndryshme me fokus rigjallërimin e këtij lumi i cili kalon përmes qytetit të Lezhës.

B.V/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Vrasja e 47 vjeçarit në Tropojë, autori arrestohet pas 3 ditësh, ishte fshehur në një banesë të braktisur në Markaj

Vrasja e 47 vjeçarit në Tropojë, autori arrestohet pas 3 ditësh, ishte fshehur në një banesë të braktisur në Markaj

24 Nëntor, 11:21