Fibank Albania po rritet me degë të reja

Si pjesë e strategjisë për zgjerim dhe rritje të biznesit në Shqipëri, Fibank do të hapë degë të reja gjatë vitit 2018. Aktualisht banka i shërben rreth 40 mijë klientëve në të gjithë vendin me një rritje të ndjeshme në të gjithë indikatorët e biznesit.

Fibank e ka hapur tashmë një degë të re në Rrugën e Kavajës, Tiranë dhe dega e ardhshme do të hapet brenda pak ditësh në Lezhë. "Zemra e kompanisë sonë janë degët tona në shërbim të individëve e bizneseve", thotë Bozhidar Todorov, CEO i Fibank Albania. 

Ne jemi një bankë dinamike me vendimmarrje shumë të shpejtë, me produkte e shërbime fleksibël të përshtatura për cdo tip klienti. Por ende nuk jemi në rrethe si Lezha, Lushnja, Saranda dhe të tjerë. Tani që po planifikojmë të zgjerohemi edhe në rrethe të tjera, do të punësojmë punonjës të rinj dhe do të ndihmojmë individët e bizneset e vogla në këto fusha.

LEXO EDHE:
Dega Fibank Durrës tërësisht e re për një eksperiencë të shkëlqyer të klientit

Bozhidar Todorov, CEO i Fibank Albania

Fibank Albania po zgjerohet ne tregun shqiptar me mbështetjen e fuqishme të Grupit rajonal Fibank. Strategjia e zgjerimit synon punësimin e kapaciteteve profesionale, kredi dhënien dhe suportin për bizneset e mira si edhe ofrimin e te gjitha produkteve e shërbimeve bankare për klientët individë.

Ne vitin 2018 pritet një vazhdimësi e zhvillimeve pozitive dhe një rritje e mëtejshme e bazuar në përpjekjet e vazhdueshme ne ofrimin e produkteve inovative dhe të përshtatura për çdo tip klienti.

TAG:
• Fibank Albania