Fier – Një plagosje me armë ka ndodhur mbrëmë rreth orës 22:50 në lagjen ’16 Prilli’ pas një konflikti për motive të dobëta.

Për këtë ngjarje policia ka arrestuar 36-vjeçarin Përparim Shaqiri, i cili tentoi të vriste me pistoletë një 47-vjeçar me iniciale A.B, duke e lënë të plagosur.

Sipas informacioneve të policisë, i plagosuri është dërguar në spitalin e Fierit jashtë rrezikut për jetën.

Policia bëri të mundur arrestimin e menjëhershëm të autorit dhe sekuestroi armën tip pistoletë si dhe gjeti në vendngjarje dy gëzhoja me të cilat 36-vjeçari kishte qëlluar.

Përparim Shaqiri akuzohet për vrasje me paramendim e mbetur në tentativë dhe për armëmbajtje pa leje. 


(v.gj/shqiptarja.com)